Higher & Technical Education Minister Dr. R. Lalthangliana chuan Mizoram New Capital Complex-ah College Bus a vailiam.

Minister Dr.R.Lalthangliana chuan khaw nuamlo tak kara lokal hram hram, zirlai naupang leh zirlai hruaitute hnenah lawmthu a sawi a. Mizorama College hrang hrang te mamawh pakhat chu kalna neih hi a ni a,  Bus nei tura sulsutu zawng zawng te hnenah lawmthu a sawi bawk a. Hemi atana pawisa hmuh hi a taka hman a ni chu thawktute thawhrimna leh thahnemngaihna a ni a, zirlaite harsatna sutkian a nih ngei pawh a beisei thu a sawi a. Mizorama College ten hmasawnna hrang hrang - building tha te, library tha te, hmunhma tha zawk deuhte an mamawh a ni tih sawrkar chuan a hria a, tan nasa takin lak a tum bawk a ni, tiin a sawi.

College Pakhua (9) tan Bus hi vailiam a ni a, chungte chu- Govt. Aizawl College, Govt. Hrangbana College, Govt. Zirtiri Residential Science College, Women's Polytechnic College, Govt. Serchhip College, Govt. Kolasib College, Govt. Saiha College, Mizoram Training Hindi College, Mizoram Polytechnic College, Lunglei te a ni.

He hunah hian Director, H&TE Pu R.Zarzosanga, IAS; Joint Director (Admn), H&TE Pu Ramhmangaiha Ralte, College hrang hrang zirlai leh midangte an tel a ni.