Vawiin chawhnu dar 2:00 p.m khan DC’s Conference Hall Siaha-ah Beti Bachao Beti Padhao (BBBP) bul tumin hmeichhe naupang zirlai HSLC leh HSSLC a 1st Div leg Distinction a passed te chawimawina hun buatsaih a ni.

He hun hi Pi. B. Malsawmthluangi, SDO (S)  & Nodal Officer (BBBP)-in kaihruaiin Pu Bhupesh Chaudhary, IAS, Deputy Commissioner, Siaha chu khuallian niin he hun hi a hmanpui a ni.

Pu Bhupesh Chaudhary chuan vawiina HSLC leh HSSLC-a hlawhtlinna chang hmeichhiate a lawmpui thu a sawi bakah hmeichhiate hian ram leh hnam hmasawnna atan tih theih kan nei a, kan pawimawh a ni tih hre reng tur leh zirnaah pawh taima taka zira hlawhtlinna chang ngei turin hmeichhe naupangte chu a fuih a. Hmeichhiate hian infiamna lamah pawh theihna sang tak in nei a, chung in theihna te chu in hai chhuak turin theih tawp chhuah rawh u, tiin kal khawmte a chah a ni.

Khual lian hian thuchah a sawi zawhin HSLC leh HSSLC a ti tha, hmeichhe naupangte hnenah lawmpuina thilpek a hlan a, he thilpek hian chawimawina thuziak (citation), pawisa fai leh BBBP no (mug) a keng tel a ni.

Vawiin lawmpuina hunah hian mi 36-te hnenah lawmpuina thilpek hi hlan an ni.

Pu VL Zuithanga, Project Co-coordinator, BBBP chuan kalkhawmte hnenah lawmthu a sawi a. Hemi hnu hian tihtawp a ni.

Attachment

  • Loading attachment...