Vawiin khan Higher & Technical Education Minister, Dr. R.Lalthangliana chuan Secretariat Conference Hall, MINECO ah Mizoram-a College hrang hrang Principal-te a ko khawm a, Higher Education tihhmasawnna tur leh College hmasawnna atana thil pawimawh tam tak an sawiho a. Higher & Technical Education department hotute leh College hrang hrang hotute pawh an kal tha hle a ni.

Minister chuan he hun hi infuihtharna atan leh harsatna te in hre tlang a thawhhona tha tak an neih theihna atan pawimawh a tih thu a sawi a. He hunah hian zirtirtu indaihlohna chungchangte bakah college mamawh hrang hrang Principal kalkhawmten an thlen te an sawiho a ni.