Vawiin khan Chhimveng YMA Hall, Mamit-ah Mamit Officers' Club buatsaihin Mamit khawpui chhunga zirlaite tan Career Guidance and Counselling neih a ni a. Dr. Lalrozama, IAS, District Bawrhsap, MOC Patron ni bawk chuan khuallian niin a hmanpui.

Dr. Lalrozama chuan MOC-in zirlaite hmakhaw ngaia Career Guidance and Counselling buatsaih nachang an hria chu lawmawm a tih thu sawiin zirlaite chu mithiam zawkte thusawi tha taka ngaithla a, zawm tum theuh turin leh an zirlai theuhte taima taka zira, ram leh hnam tana mi chhenfakawm tak nih tum turin a chah a ni.

He hunah hian Dr. H. Lalrinfela, District Hospital, Mamit chuan Introduction of Modules & Career beyond Class 10 tih thupui hmangin kalkhawmte zirtirna a pe a. Dr. Joseph C. Lalremruata, Associate Profesor, Govt. Mamit College chuan Career in Public Service tih thupui hmanga zirtirna pein Career in Academics tih thupui hmangin Pu Lalhmangaihhlua, SDPO Mamit chuan zirtirna a pe a ni.

He hun hi Pu Jacob Lalawmpuia, Addl DC, MOC President ni bawk chuan kaihruaiin Pi Gracy L Bawitlung, CJM Mamit/ Convener MOC chuan Keynote Address a pe a. Pu Lalsailova, DPC/ MOC Secretary chuan kalkhawmte hnena lawmthu sawina a nei bawk.

Career Guidance and Counselling Programme-ah hian Mamit khawpui chhunga High School zirlai thahnem tak an tel a ni.