State pum huap infiamna hmanga khawmpui lian ber, Mizoram State Games 2019 chu neih chhunzawm zel a ni a. Mizoram State Games 2019-ah hian Mizoram chhung chhim leh hmar, chhak leh thlang atangin infiam mi sang tel an pung khawm a ni.

Vawin khan infiamna hmun hrang hrangah intihsiakna neih chhunzawm leh a ni a. Game tam zawkah chuan final khelh a ni tawh a. Mizoram in infiammi kan neih that tak tak te pawhin an bial aiawha khelin an inlan hlawm a. MLA te pawh an an bial infiam mite tawiawmin infiamna hmun hrang hrang thlawh kualin an phur hle a ni.

Central Sawrkar lam pawhin Mizoram State Games hi an ngaihven hle a. India ram Sports thuneitu sangber, Sports Authority of India pawhin thlithlaitu(Scout) te inkhelh chhung zawng hian an rawn duty kual tir mek a ni. Vawiin khan Sandeep Pradhan IRS, Director General, Sports Authority of India chuan infiamna neih na hmun tlawhin a kal kual a. Hei hian Mizo infiam mite tan rah tha a chhuah theih ngei a beiseiawm.

Mizoram State Games hi ni 13 Dec 2019 tlai dar 3 :00 hian Lammualah a kharna hun hman a ni dawn a. Mizoram Governor P.S. Sreedharan Pillai chu khuallian a ni.

1. Mizoram State Games ah hian MLA tel pahnih an awm a. Mizoram Youth Commission chairman leh Lunglei North bialtu MLA Dr Vanlaltanpuia chu a bial aiawhin Tennis ah a rawn khel a. Transports Minister leh Champhai South bialtu MLA TJ Lalnuntluanga chuan Table Tennis a rawn khel.
2. V. Thanchhunga (K -69) Serchhip chu an bial aiawhin Mizopa Sairawkherh perhah a tel a, Mizo inthuam chawisan a duh avangin Mizopa inthuamin intihsiakna a hmachhawn.
3. Pu C. Lalruaia (K-89) Aizawl N III aiawhin Mizopa Sairawkherh inperhsiakah a tel a. Pu C. Lalruaia hi Mizo zinga Olympian kan neih te zinga mi thalkah thiam C.Lalremsanga pa a ni.
4. Lalthansangi Sailo, Aizawl East II chuan Table Tennis atangin Gold Medal pathum a an bial tan a laksak.
Bengtivar
Infiam mi tir tam bial te :

Aizawl East I
198 (M) + 117(F) = 315

Aizawl East II
1
90(M) +103(F) = 293
Aizawl North I
1
87(M)+92(F) =279
Infiam mi tel tlem bial te:
Tuichawng
48 (M) +0 (F)= 48
Thorang
58 (M) + 17 (F) = 75
West Tuipui
58 (M) + 19(F) = 79

Aizawl khawpui pawn bial atanga infiam mi tel tam bial te :
Champhai South
178 (M) +80 (F)= 258
Champhai North
131 (M) + 83 (F) = 214
Kolasib
137 (M) + 72(F) = 209
Tuirial
152 (M) +57 (F) =209
Infiam mi tamna game te :
Football -1116
Volleyball -900
Indigenous - 362
Infiam mi tlemna game te :
Snooker -15
Fencing -23
Body Building -23
Sepaktakraw -33