Higher & Technical Education Minister Dr. R. Lalthangliana chuan vawiin chawhnu dar 2:00 khan Government Hnahthial College Auditorium ah College zirlai mithar lawmna leh College atanga zirzote thlahna hun a hmanpui.

Zirlaite hmaah fuihna thu sawiin Minister chuan tunlai hunah competition a sang tawh em em a, College zirlai satliah tan eizawnna tha hmuh a har tawh em em avangin thiam tak tak tura zir a ngai a, a thiam tak tak tan erawh yhna hmuh tur a la vang chuang lo a ni a ti a. Kan chawrchhuahna ah duh kan thlang thei lova, a hmawr kan bawkna erawh keimahni duhthlanna a ni a ti a. Hnahthial College atanga mithiam chhawrtlak tam zawk an chhuah ngei a beisei thua sawi a, nu ;leh pa te rohlu, khawtlang rohlu leh ram tana rohlu ni tura tang turin a chah a ni.

Government Hnahthial College hi khawtlanga mithahnemngai tangrual ten kum 1979 khan an din a, kum 2007 ah Government College ah hlankai a ni a, Arts zirna Collge niin tunah hian zirlai 127, zirtirtu 26 leh non-teaching staff 11 an awm a, an College ram hi acre 280 laia zau a ni.

Minister hi Pu Lalrintluanga Sailo, Govt. Deputy Chief Whip, Pu ZR Thiamsanga MLA, Er. H. Lalzirliana MLA  bakah Aizawl lam atang sawrkar mipawipawh thahnemtakin an tawiawm a ni. 

Attachment

  • Loading attachment...