1872/2024-2025

Dated Hnahthial, the 3rd September, 2024: Vawiin chawhma khan District AIDS Prevention & Control Committee (DAPCC), Hnahthial District huaihawtin Intensified IEC Campaign "India Fight Against HIV & STI" neih niin hemi pual hian HIV/AIDS Rally DC office atanga Bazarkawn thleng neih a ni a. Govt Hnahthial College, Higher Secondary School thenkhat leh Hnahthial khawpui chhunga High School-a zirlaite naupang ten kawng hi an zawh a ni.

Rally hma hian DC office kawtah inkhawm tawi buatsaih a ni a. District Bawrhsap Pi Rita Lalnunmawii Pachuau, Chairman District AIDS Prevention & Control Committee (DAPCC) Hnahthial ni bawk chuan HIV/AIDS hi natna hlauhawm tak tihdamna la awm lo a ni anih avangin mipat hmeichhiatna hmang duhdah lova drugs lakah te kan fihlim turin kalkhawmte chu a chah a. Ruihhlo hrang hrang mihringin kan tih tanna chu zuk leh hmuam a nih vangin zirlai naupangte chu hetiang lakah hian fihlim turin a chah a. Zirlai naupang kalkhawmte chu ruihtheih thil, zu leh hmuam laka fihlim a, khawtlang leh ram tana khua leh tui tha ni theuh tur a chah bawk a ni. HIV/AIDS dona kawngah zirlaite chu a pawimawh hle thu sawiin programme dang tam tak siam a la ni dawn a, chutah chuan chuan zirlaite tel vek turin  a sawm nghal bawk a ni.

Rally tawp nan Bazarkawn-ah kharna hun hman niin Dr. R. Lalsanglura, District AIDS Control Officer (DACO) Hnahthial in lawmthu sawina hun hmangin District AIDS Prevention & Control Committee in programme hrang hrang a duan te a tarlang bawk a ni. Kawng zawhah hian Hnahthial Addl DC, SP leh Addl. SP te pawh an tel a ni.