1871/2024-2025

Dated Aizawl, the 3^rd September, 2024: Ni 30, August, 2024 (Zirtawpni) chawhnu dar 03:00 khan Social Audit Unit (SAU) – MISSAAT, Mizoram leh Social Welfare, Tribal Affairs and Women & Child Development, Government of Mizoram buatsaihin State Level Social Justice Assembly on Social Audit of Integrated Rehabilitation Centre for Addicts (NAPDDR) & Senior Citizens Home (AVYAY) Ministry of Social Justice & Empowerment, Govt. of India, hnuaia hmalakna chu Mizoram Secretariat Conference Hall-II, MINECO, Aizawlah neih a ni a. Pi Lalzarmawii, IAS, Commissioner & Secretary, Social Welfare, Tribal Affairs, Women & Child Development, Government of Mizoram chuan he Social Justice Assembly hi a kaihruai a ni.

He State Social Justice Assembly-ah hian Pi C. Laltleipuii, Director, Social Audit Unit, Mizoram chuan Social Audit chungchang sawi zauna a nei a, Integrated Rehabilitation Centre For Addicts hnuaia hmalakna district pahnih Kolasib leh Aizawl District-a neih tak chungchang sawi fiahin, Scheme hnuaia hmalak dante a hamthatna dawngtuten an tangkaipui ngei em tih en fiahna a ni tih a sawi a. Pi RK Lalrinfeli, District Resource Person, Social Audit Unit – MISSAAT chuan Centre 7 (pasarih)-te Social Audit Report pein Social audit bawhzuina tur hrang hrangte a sawi fiah bawk a ni. He Assembly-ah hian Centre hrang hrang pasarih aiawh te, Social Audit Unit – MISSAAT, Mizoram leh Social Welfare, Tribal Affairs, Women & Child Development, Government of Mizoram te chuan report-te hi sawi hovin hmalakna tur hrang hrangte an sawi ho a ni.

Hetiang Social Audit hi Mizorama vawi khat neihna niin Centre 7 (pasarih) - Agape Moral Reformation Organisation te, Blessing Home Society te, Pisgah Reformatory Centre te, New Life Home Society (Jeriko Khualbuk) te, Zoram Drivers Ramthim Board-Damna In te, Social Guidance Agency, Aizawl leh Kalvari Home TNT Kolasib-ah te Social Audit neih a ni.