Hlemhletna Do Ni ‘International Corruption Day’ 2012 December ni 10 a hman tur puala college zirlai te tan Debate-a inelna buatsaih chu vawiin khan I & PR Auditorium-ah neih a ni a. He inelnaah ah hian Aizawl khawpui chhunga college 8 atangin zirlai 16 (Mizo leh Sap tawnga 8 ve ve) an tel a. Mizo tawnga thupui thlanchhuah ‘Kan Kohhrante Kalphung Hian Corruption lakah min vawnghim’ tih leh Sap tawnga thupui thlanchhuah ‘Eradication of Corruption is the Responsibility of the Politicians’ tih ah te hian zirlaiten debate an nei a ni.
Mizo tawnga Debate inelna a pakhatna chu Ngurnuntluanga (Govt. Aizawl West College) niin pahnihna chu Lalruatsanga (Govt. Zirtiri Residential Science College) leh pathumna chu Ramngaihawma (Govt. Aizawl College) te an ni a. Jane Mary Joesph (Govt. Hrangbana College); Rammuanpuia Tochhawng (Govt. Zirtiri Residential Science College) leh Twinkle Lalremruati (Govt. Aizawl College) te chu pakhatna, pahnihna leh pathumna te an ni.
Debate Competition-a titha te hi International Anti Corruption Day 2012 puala State Level Function December ni 10 a Mizoram Legislative Conference Hall-ah neih turah Mizoram Larsap in lawmman a hlan dawn a ni.
