Nimin khan Hliappui Higher Secondary School Office chu Bialtu MLA School Education Minister Pu H. Rohluna’n a hawng a. He school hi khawtlang school niin school office sak nan hian MLA Fund atangin cheng nuai 2 a pe a ni.

School Office Building hawnnaah hian Bialtu Minister Pu H.Rohluna chuan thu sawiin khawtlang mipuite inpekna chu entawn tlak a tiin chhuanawm a ti hle a, sikul naupangte pawh thahnemngai leh taima taka zir turin a fuih. Hliappui khawtlang mipuite thawhrimna leh inpekna zawng zawngte chu tithlawn lova, an khua tihming tha tur leh Mizoram tana mi tangkai leh chhuanawm ni thei tura zir a fuih a ni.

Hliappui Khawtlang hruaitute leh nu leh pate pawn lawmthu sawiin khaw dang leh hmun danga kal ngai lova mahni khua ngeia zirna sang zawk bei theia an fate tan school leh a office building tha tak an neih theih avangin Minister hnenah lawm thu an sawi.

Hliappui Higher Secondary School-ah hian zirlai Class XI-ah zirlai 33 an awm mek a, Class XII-ah zirlai 40 awmin, an vaiin zirlai 70 an awm a, zirtirtu 5 an nei bawk a ni.