Vawiin khan D.C Conference Hall, Mamit-ah Mizoram State Sanitation Tash Force (MSTC) in Mizoram khawpui fai ber a thlan tur chungchanga Mamit khawpui chhunga hmalak dan tur ngaihtuahin Pi Lalbiaksangi District Bawrhsap kaihhruaina-in  thutkhawm a ni.

Meeting kaihruaitu Pi Lalbiaksangi District Bawrhsap chuan Cleanliness Competition of Urban Mizoram in inelna a buatsaih chhan leh he mi atana tehfung tur hrang hrangte sawizauna a nei a, he inelna  hi  khawpui 23 te tan niin Category hnih-ah then a ni a,  1-20 September thla chhunga endik hna kalpui tur niin Mamit khawpui chu tlanchhuah a nih ve ngei theih nan Khawtlang mipui zawng zawng te tanrualna leh thawhho a ngaih nasat dawn thu a sawi.

Meeting-ah hian Khawpui fai thlanna-a Mamit khawpuiin hma alak dan tur hrang hrangte sawiho na leh ruahmanna siam a ni a, Chhungtin, pawl leh Kohhran te tan khawtlang tifaia hnatlan ni hetiang hian siam  a ni.  ni 1 September ah Mamit khawpui chhunga Village Council parukte kaihhruaina in chhungkaw tinte hnatlang koh ni se, Sawrkar Department hrang hrangte leh School te tan ni 8 leh 15 September ah hnatlan ni se, ni 8 leh ni 15 september  ah Bazar bik tifaia hnatlan ni atana ruat a ni a. Ni 9 leh 10 September ah  Biakin, Association leh Institution te hnatlan ni a tana ruat niin heng hnatlanga thawhchhuah bakah hian mahni in leh avel theuh tifaia a ruala hnatlan ni siam a ni bawk.

Mamit khawpui chhunga Side drains ( tuiluankawr) te chu YMA Branch paruk ten ni 2 zingah  tifai tura ruat an ni a, lawman siamsak ni se tih a ni bawk. Ni 2 september-a,  vantlang hnatlang chhuak khawm atang hian Faina lam hawia thuziak inelna buatsaih ni se tih a ni a.  Vengtina Village Council Sanitation Committee te chu an veng theuhah hma lo se tih niin Faina lam hawia thuziak vengtinah chei thara ziah thar ni se tih a ni bawk.

Vawiin meeting hian heng kawng hrang hranga hmalakna endik tu tur ruat ni se tiin rel a ni a,an ni hian veng hrang hrang dinhmun enin tan lak ngaite hrilh hre tura mawhphurhna pek an ni.

Meeting-ah hian Sawrkar Department hrang hrang aiawhte te leh Jt V.C. Sub Hqrs YMA, President District Village Council Association atang ten an tel a ni.