Vawiin chawhma Dar 11 khan Seminar Hall PUC-ah Dr. Tawnenga, Principal, Pachhunga University College chuan Malsawmdawngliana, PUC History zirtirtu lehkhabu ziah ‘Negotiating the Past: Memory, History and Culture of Mizo’ tih chu a tlangzarh.

Lehkhabu tlangzarhtu Dr. Tawnenga chuan zirna hmanga hlawh chhuah degree hian ram tan a hnuk khawih thil paw chhuak se, Mizoram University ngei pawhin degree nei mai nilo mithiam hman tlak chherchhuak thei se a duh thu a sawi.

He tlangzarh inkhawm hi Prof. JV Hluna, Department of History chuan a kaihruaia, Rev. K. Lungmuana, Chairman, Mizo Moral Reformation Network International in hunserh a hmang a, lehkhabu thlirlawkna Pu H. Laldinmawia, Asst. Prof. PUC chuan a nei a ni. Tlangzarh inkhawm ah hian Pu R.L Rinawma IRS (Retd.) Principal Adviser to Chief Minister pawh in thu tawi a sawi bawk.

He lehkhabu hi Mizo history ziakdan kalphung pangngai dik tawklohna te chhuizauna leh zirchianna a ni a, Sap ho ten kan chanchin an mahni ngaihdan a an ziah a taka kan nihna ni vek silo te chu Mizo te’n kan hriatthiam dan zawk a chhunglam atanga thlirna atanga ziak a ni. He lehkhabu hi Rs.595 man niin a kawm pawh color hard bound (jacket nei) a ni.

Attachment

  • Loading attachment...