Sihphir Venghlun Branch YMA te chuan ni 17.10.2015 (Inrinni) khan YMA Park cum Social Forestry, Sihphir Venghlun-ah Observation of Wildlife Week, 2015 an hmang a. Pu Lalrinmawia IFS, Conservator of Forest (Wildlife) in a hmanpui.

Sihphir khawtlangin nungcha leh ramngaw humhalhna kawnga hma an lakna ah lawmthu hrilhin Pu Lalrinmawia chuan tunah hian Zoram pumah rah tha tak tak a chhuah tawhin mi pangngai chinte chuan nungcha leh ramngaw te hi ti chereu lovin an humhalh tawh zawk a ni a ti a. He huna zirlai kalkhawmte hnenah nungchate humhalh zel tura fuihin leh ramngaw humhalh chu boruak tha leh tuihna siamtu tangkai tak a nih thu sawiin Pu Lalrinmawia chuan zirlaite chu nakin lawka kan ram la enkawltu tur an nih avang a an thiamna leh theihna te chu nungcha humhalh na kawngah leh ramngaw chereu tur vengtu ni turin a sawm nghal a ni.

Kal khawmte hian Ramngaw leh Nungcha humhalhna atana thuchham Pu H. Zakunga, Vice President phuah chu an chham rual a ni.