Vawiin khan North East Students Society, Delhi University(NESSDU) hruaituten Chief Minister Pu Zoramthanga chu Mizoram House, Chanakyapuri, New Delhi ah hmu in an harsatna leh mamawh hrang hrangte an thlen.

NESSDU hruaitute chuan Pu Zoramthanga chu hmarchhak zirlaite pawhin 'Pa' anga an neih a nih avangin a thlamuanthlak an tih thu an hrilh a. An pawl hmalakna hrang hrangte sawiin, zirlaiten inpawhna leh thawhhona tha an neih theih nan infiamna leh hnam nun ziarang phochhuak thei programme an hman thin thu te, zirlaite zingah harsatna tawk an awm changa an buaipui thin thu te an sawi. Chief Minister chuan India Hmarchhak zirlaite chu inpawh tlang taka an awm a Tul thu a sawi a; hnam dang kara fing tak leh nungchang mawi taka awm a tul thu te sawiin, India hmarchhak mite chu midangte aiin an hniam bik lo a ni tih chu tawngka mai nilovin thiltih a lantir zel turin a fuih a. Harsatna leh mamawh an neih pawhin a hnena thlen thin turin a hrilh.

Chief Minister hian NESSDU chu a tul apianga an hman turin Rs.10,000 a pe a ni.