Chief Minister Pu Lal Thanhawla chuan hmasawnna hi khawpui atanga in tan chhuak tur a ni a ti. He thu hi nimina Lunglei Thuamluaia Muala High Power Commttee (HPC) Lunglei District Cup 2011 football final khelhna a a sawi a ni.
Chief Minister chuan thalaite hmakhua hriaa hetiang football tournament HPC Vice Chairman Joseph Lalhimpuia'n a buatsaih chu lawmawm a tih thu a sawi a. Joseph Lalhimpuia kaihhruaina a Lunglei districtin hmasawnna rahbi thar a hmu chho zel chu a fakawm a ni a ti. Pu Hawla chuan thalaite zingah rei tak tak zanah menga zingah thawh nachang hrelo, nu leh pa te chawm tura nupui fanau nei tam tak awm mahse, thalai chherchhuah theih, talent cho chhuah tham tam tak an awm tih sorkarin hriain kawng hrang hrangah hma a la mek zel a ni a ti a. Hmasawnna hi khawpui atanga in tur anih angin Aizawlah Rajiv Gandhi Stadium sak mek a ni a, khawpui pawn lamah din chhoh zel a ni ang a ti.
Chief Minister chuan thalaite tan zirna in sang zawk Mizoramah ngei kan neih theih nan IIMC Aizawl Centre chuan bul a tan mai dawn a, NIT Mizoram tuna Nagpura awm mek pawh Mizorama awm tura ngaihtuah nawn mek a ni tiin Medical College pawh nei mai thei tura hmalak mek a ni a ti. Sipaiah Mizo thalai tam zawk an luh theih nan kawng hrang hranga hmalak anih thu pawh a sawi a. Infiamna hi eizawnna tling a nih thu sawi bawkin, Cricket Association of Mizoram pawh BCCI pawmpui anih theih nan Cricket lama hotu lian Sharad Pawar pawh a sawipui thu a sawilang bawk a. Infiammi ruihtheih thila fihlim lo chu eng anga tha pawh nise sorkarin a thlawp ngai lovang a ti.
HPC Cup inkhelh chhunga yellow card leh red card hmu tam tak an awm chu Pu Hawla chuan insum theih loh leh inthlahdah vang a ni a, a zahthlak hle a ni a ti a. Infiammite chu inkhelhna hmun pawnlam thlenga sportsman spirit neih a pawimawh thu a sawi a. Lunglei district mi ten thil tha neih an tlin dawn anih chuan kum tharah Thuamluaia Mual hi astro turh phah sak an ni ang a ti.
Thingtlang kilkhawr ber pawha football khel thiamte inphochhuahna atana buatsaih HPC Cupah hian team 42 lutin Lunglei khawpawn atangin team 21 an tel a. Final hi Hnahthial leh Cherhlun team ten khelin Hnahthial hian 1-0 in an chak a, Champion Trophy bakah cheng nuai 1 an dawng a, Cherhlun team hian trophy leh cheng 40,000/- an dawng bawk a ni.
Chief Minister hi a nupui Pi Lal Riliani bakah Sports Minister Pu Zodintluanga, LAD Minister of State Pu P.C.Lalthanliana leh Pu John Siamkunga, MLA ten an tawiawm a ni.
Chief Minister chuan thalaite tan zirna in sang zawk Mizoramah ngei kan neih theih nan IIMC Aizawl Centre chuan bul a tan mai dawn a, NIT Mizoram tuna Nagpura awm mek pawh Mizorama awm tura ngaihtuah nawn mek a ni tiin Medical College pawh nei mai thei tura hmalak mek a ni a ti. Sipaiah Mizo thalai tam zawk an luh theih nan kawng hrang hranga hmalak anih thu pawh a sawi a. Infiamna hi eizawnna tling a nih thu sawi bawkin, Cricket Association of Mizoram pawh BCCI pawmpui anih theih nan Cricket lama hotu lian Sharad Pawar pawh a sawipui thu a sawilang bawk a. Infiammi ruihtheih thila fihlim lo chu eng anga tha pawh nise sorkarin a thlawp ngai lovang a ti.
HPC Cup inkhelh chhunga yellow card leh red card hmu tam tak an awm chu Pu Hawla chuan insum theih loh leh inthlahdah vang a ni a, a zahthlak hle a ni a ti a. Infiammite chu inkhelhna hmun pawnlam thlenga sportsman spirit neih a pawimawh thu a sawi a. Lunglei district mi ten thil tha neih an tlin dawn anih chuan kum tharah Thuamluaia Mual hi astro turh phah sak an ni ang a ti.
Thingtlang kilkhawr ber pawha football khel thiamte inphochhuahna atana buatsaih HPC Cupah hian team 42 lutin Lunglei khawpawn atangin team 21 an tel a. Final hi Hnahthial leh Cherhlun team ten khelin Hnahthial hian 1-0 in an chak a, Champion Trophy bakah cheng nuai 1 an dawng a, Cherhlun team hian trophy leh cheng 40,000/- an dawng bawk a ni.
Chief Minister hi a nupui Pi Lal Riliani bakah Sports Minister Pu Zodintluanga, LAD Minister of State Pu P.C.Lalthanliana leh Pu John Siamkunga, MLA ten an tawiawm a ni.
Attachment
- Loading attachment...
