Khawvel pum huap Hmeichhia te Ni “International Womens Day” chu Legal Services Authority, Saiha District, Saiha te buatsaihih vawiin chawhma dar 11:00 khan I&PR Conference Hall, Saiha-ah hlawhtling taka hman a ni.He Ni hmanna inkhawm hi Pu JH.Beizawzilai, Advocate, Saiha District, Saiha chuan a kaihruai in Women’s Day programme hman a nih chhante sawifiahin Hmeichhia te chanvo lehhumhimna Dan inhrilhhriat nan hman a nih thu a tarlang a, Pi Lynn H.Ngohei, Secterary, K.N.P, E.C.M Headquaters chuan hunserh a hmang.

He ni hmanna-ah hian Pu FC.Khihnia, Advocate chuan “Hmeichhiate ti bawrhbang/ Hmeichhiate chunga thilsual titute Hremna” tih leh Pu Laldinpuia Tlau, Magistrate chuan “Nupuite,Fate leh Pate chawmna” tih thupui hmangin kalkhawmte an zirtir. Sawihona leh zawhna hunhman anih bakah Nula S.Siamkungi’n kalkhawmte zai mawi takin a awi a. He ni hmanna-ah hian Saiha khawpui chhunga Hmeichhe Pawl hrang hrangte leh Kohhran Hmeichhe aiawhte an kal thahnem hle a ni.