376/2022-2023
Champhai, the 2nd May, 2022: Champhai District Hmunhmeltha khua chhunga vawk engemawzat thite thih chhan chu African Swine Fever (ASF) a ni tih finfiah a nih avangin Dr.Lalhmangaiha, Senior Veterinary Officer, Champhai chuan 'The Prevention and Control of Infectious & Contagious Disease in Animal Act 2009, Section 20 Sub-Section I in thuneihna a pek angin Hmunhmeltha khua chu vawiin May ni 2, 2022 atanga thuleh awm hma vawk hrilenna hmun 'Infected Area' ah a puang.

African Swine Fever lenna hmun Infected Area a puan tak Hmunhmeltha khuaah hian hengte hi zawm ngei tur a ni.
1. Hmunhmeltha atanga vawk lakchhuah emaw lakluh emaw phal a ni lo.
2. Vawk thi reng reng paih mai lovin, chinai (Lime) nen thuk taka phum tur a ni.
3. Hmunhmelthaah vawk talh leh vawk sa zawrh khap tlat a ni.