Pu C. Lalrinsanga, Minister, Agriculture, Irrigation and water Resources, Co-operation Dept. etc chuan vawiin khan Kolasib a heng Department kaihhnawih officer leh staff te a kawm.

Minister chuan hna kalphung reng rengah hna chu a tha tur a ni a, pamhamna leh duhamna rilru pu ringawt loin kan ram hi kan duat a ngai takzet a Works Department kaihhnawihah pawh hna thawktu in a thawh thatloh chuan a hna chu cancel sak mai tur a ni a ti. Rinawmna leh taimakna nena hnathawh chu Pathian duhdan a ni tiin thahnem ngai tak leh rinawm taka hnathawk thin te chu an hmui a ngil a an dingchhuak zel a ni a ti. Kan rama kan Society life chu a tlahniam nasa tawh a, chu chuan kan Kristianna a kan rilru put hmang pawh a nghawng thui hle ani tiin mitin kan inenlet a tul a, a bik takin Sawrkar hnathawk te chu hlemhletna rilru pu chunga hna an thawk tur a nilo a, harsatna emaw mamawh hrang hrang an neih reng rengin a hnenah inthlahrung hauhloa thlen thin turin a cha a. Kan Ram neihchhun chu kan tu leh fate tana chen zui zel na tlaka siam chu tuna a cheng te mawhphurhna ani tiin Rinawm taka mahni hna theuh hlenchhuak zel turin a Department chana thawktu kalkhawm te chu a chah a ni.

He hunah hian Pu C Lalrinsanga Department chan atanga Officer leh Staff te chuan an harsatna leh mawmawh hrang hrang an neihte chu an thlen a, Minister chuan theihtawp a chhuahpui tur thu a sawi a .Hemi hnu hian Agriculture Minister  Pu C Lalrinsanga leh MoS Pu K Lalrinliana te chuan Kolasib Bukvannei a Oil Palm processing centre an tlawh bawk a ni.