Pu Lal Thanzara, Minister of Health Services chuan hna thawk hah lova hausak thut duhna thinlung hi Mizo ten kan paih a tul a ni a ti. He thu hi vawiin chhun dar 11 a MHIP Sub-Hqrs.Champhai in Sensitization of Pseudoephedrine/Methanphetamine (Meth) Workshop, I& PR Conference Hall-a an buatsaih ah sawiin Pu Lal Thanzara chuan Mizo thalaite ruihhlo thalovin a run mek a, Sorkar, Kohhran, Tlawmngai pawl leh Mizo mipuiin kan zavaia kan do rawn a ngai ta a ni tiin Damdawi tha lo avangin chhungkaw tam tak kan rum in kan tuar chho mek a ni a ti.

A sawi zelnaah Pu Lal Thanzara chuan mi thenkhatin Chiahpuam kan tih an hausak puiin thenkhatin an chhiat phah a,tunlaia khehpuam kan tih pawh chu ti tho chu a ni a,Awlsam taka sum neia hausa ten khawpuiah in hmun lo ram an lei pawp pawp a,hetianga sum awlsam taka neitute hi an nunkhua a awhawm lova, mite zah an kai chuang lova, sum tam tak aia hming thatna thlang lovin Vanrama kan chhawm loh tur hi kan buaipui mah mah a ni a ti a, he huna lokal te chu an thu dawnsawn te mi dangte zirtirtu ni tura sawmin he Workshop hi chhawr tangkai theuh turin a chah nghal a ni.

He Workshop Pi VL.Rochhari, President MHIP Sub-Hqrs.Champhaiin a kaihhruaiah hian mi thiam thlan chhuah ten Pseudeophedrine, Drugs Trafficking leh ND & PS Act chungchang te Power point hmang in an zirtir a, Workshop ah hian sawm bikte leh MHIP Members an kal tha hle a ni.

Health Minister hi a nupui Pi Zohmingthangi, Pu Lalthanliana CE, Minor Irrigation, Pi Lucy Lalrinthari, Special Judge, ND& PS Act. Dictrict Court, Dr. Lalsawma Pachuau Jt. Director, Food & Drugs Admn. HFW leh AIKO member ten an tawiawm a ni.