Vawiin khan Lunglei HPC Vice-Chairman Pu S. Laldingliana chuan Tawipui ‘N’ I-ah Pu C.L.Ruala, MP (Lokh Sabha)-in MP LADS atanga Rs.5,00,000/- a pek atanga sak Roadside Market Shed thar a hawng.

Market Shed hawnna inkhawmah HPC Vice-Chairman Pu S.Laldingliana chuanTawipui N-I khawtlang tana thil tangkai tak a hawng thei chu lawmawm a tih thu a sawi a; Market Shed sakna petu Pu C.L.Ruala, MP (Lokh Sabha) chungah pawh lawmthu a sawi bawk a ni. Pu S. Laldingliana chuan khawntlangin hma a sawn theih nan sorkar-in kawng hrang hrangin hma a la zel a, kan neih ngai loh te kan neih belh a, kan neih sa tlabal tawh te pawh kan thawmtha chho zel a, chuvangin mipuite pawhin khawtlang tana tangkai tur thilte hi mahni ta anga ngaiin, uluk leh dimdawi taka kan enkawl a ngai a ni, a ti. Vawiina hawn tak Market Shed pawh hi khawtlang mipuiten tha taka enkawl zui a, tangkai taka an hman ngei a beisei thu a sawi.

Tawipui N-I Roadside Market Shed hi YMA hnuaiah Building Sub-committee dinin a sak hna an buaipui a ni. Khuallian Pu S. Laldingliana chuan Market shed chunga YMA Meeting Hall sak chhunzawmna tur Cheng Nuai 3 a pe nghal bawk a ni.

HPC Vice-Chairman hi Dr. Christina Zonunmawii, Medical Officer, PHC Tawipui bakah Village Council member-te leh khawtlang hruaituten an tawimawm a ni.