2098/2023-2024

Hnahthial the 2nd October 2023: Vawin khan Urban Development & Poverty Alleviation (UDPA) bultumin HBSC Ground-1, Hnahthial-ah Cleanliness Week (Faina Hapta) vawi -47na hawn a ni a, District Bawrhsap Pu Chuauhnuna chu Khuallian niin Kumin September ni 15 atanga October ni 2 thleng awh tur faina lama beihpui thlakna Swachhata Hi Seva (Cleanliness is Service) puala buatsaih fai inelna category hrang hrang lawmman semna neih nghal niin Pu Neng Thianlala, SDO (S) leh District Urban Development Officer (DUDO) ni bawk chuan he hun hi a kaihruai a ni.

District Bawrhsap Pu Chuauhnuna chuan Faina hapta vawi 47na puala kalkhawm zawng zawng te chu chibai a buk a. Faina ngai pawimawh a vawiin hun ti hlawhtlingtute chungah lawmthu a sawi bawk. Sawrkar laipuiin faina a ngai pawimawh hle tiin kumin-ah urhsun zawka faina beihpui thlak nan September ni 15 atangin Swachhata Hi Seva a kalpui thu a tarlang a, a kharna puala category hrang hranga inelna a tithate lawmman sem chu a inrèm hle thu a sawi.

Khuallian chuan lawmman dawngtute chu a lawmpui thu sawiin lawmman dawn chu tum ber (goal) ni lo se a tih thu a sawi a, kum tluana khawchhung fai chu mitin goal ni zawk se a ti bawk a ni. Solid Waste Management Rules a dan felfai tak awmte tarlangin National Green Tribunal (NGT) vil thin a nih thu a tarlang a, chumi dan zawmna tha ber chu bawlhhlawh sawngbawl danah fimkhur a, thliar hran a ni a ti. Nakin lawkah chuan bawlhhlawh sawngbawl dan mumal zawk, tu leh fate tan chettlatna hmun (environment) a him zawk nan kalpui a nih tur tur sawiin chumi tur chuan hmalakna kalpui mek a ni a ti bawk. Bawrhsap Pu Chuauhnuna chuan tunkar chho faina hapta ah veng tinin hmabak an nei tiin hmasawnna tur tam tak a awm a ti a, nasa lehzuala tan la turin a fuih a ni. Faina chu Hriselna a ni tiin Hnahthial-a natna leh bawrhsawmna tam tak chu Faina kawngah tan lak deuh chuẩn tih tlem theih a rin thu sawiin mitin faina kawngah tang zual sauh turin a fuih bawk a. Faina hapta hawlhtling taka hman a nih theih nan duhsakna hlanin Hnahthial khawpui a fai zual zel nan kalkhawm mipuite thawhho puiah a sawm nghal a ni.

Vawiin Faina hapta hawnna inkhawmah hian District Bawrhsap bakah Addl DC, ,SDO (S) BDO leh SDC te bakah Hnahthiala Head of Offices te leh Hnahthial Govt College zirlai te leh School of Agricultural Sciences (SAS) zirlaite an tel a ni.

Swachhata Hi Seva puala inelna buatsaiha lawmman dawngtute chu:
I. SCHOOL- PRIMARY SECTION

1st Position- Govt P/S-I, Hnahthial
2nd Position- Govt P/S-IV, Hnahthial
3rd Position -
- Presbyterian Englich School, Hnahthial

2.SCHOOL-MIDDLE SECTION

1st Position- Govt Middle School, Hnahthial
2nd Position- Govt Indira Middle School, Hnahthial
3rd Position- Govt Model Middle School

3.SCHOOL-High School & Higher Secondary Section
1st Position- Govt Southern High School
2nd Position- Govt High School, Hnahthial
3rd Position- Govt Higher Secondary School, Hnahthial

4.RESTAURANT/HOTEL
1st Position- RC Food & Lodging, Venglai
2nd Position- Cabin Hotel, Electric Veng
3rd Position- Zonun Hotel, Electric Veng

5.OFFICE
1st Position- District Sericulture Office
2nd Position- District Child Protection Unit (CDPO)
3rd Position- District Rural Development Office (DRDO)

6.YMA BRANCH FAI
1st Position- YMA Model Branch
2nd Position- YMA Peniel Branch
3rd Position- YMA Electric North Branch te a ni.