1602/2023-2024

Hnahthial the 22nd August 2023: District Level Committee on Teachers’ Day Celebration 2023 chuan kan hma lawka lo thleng tur Teachers’ Day hman dan tur relin vawiin khan District Bawrhsap leh Committee Chairman ni bawk Pu Chuauhnuna kaihhruainain DC Conference Hall-ah an thukhawm a, Hnahthial-a Zirtirtute ni (Teachers’ Day) vawi 62na lawm dan tur an rel.

Vawiin thutkhawmah hian rawtna (proposal) chi hrang hrang thehluh niin committee chuan ngun taka a ngaituah hnuin hetiang hian a rel a ni:

1) Celebration & Observance of 62nd Teachers' Day at Hnahthial : Kumin 2023 Teachers’ Day chu High School leh Higher Secondary School bikah mahni school theuha lawm ni se tih a rel a, elementary school chinah chuan a huhovin hmun khatah lawm ni se tiin programme kimchang ruahmanna siam turin DEO leh Samagra-te ruat an ni.

2) National Foundation for Teachers Welfare (NFTW) fund contribution chungchang : NFTW fund chungchang hi State working committee for Celebration of Teachers’ Day in a rel angin School tin (Govt, Adhoc, Lumpsum, Samagra, Private) zirtirtute atanga Rs 200 khawn tawh tur a ni. Hei hi a chhan chu tanpuina sum hi state chhung Rs 20,000 leh state pawn Rs 30,000/- a ni a, awareness-te a lo that tak avangin diltu nasa takin an pung a, sum lakluh aia tam hmanchhuah a nih tak avangin Teachers welfare fund hi tihsan rawt a ni. Teachers welfare fund hi Teachers' day denchhena kumkhata vawikhat khawn thin a ni. Category thumah siam tura chhawpchhuah niin Teachers' day 2023 lawmna neih zawh tanga hman tan tur a tih a ni. i) Category-1: State pawn- Rs 30,000 ii) Category 2 : State chhung - Rs 20.000 (natna khirhkhan e.g cancer and major operation) iii) Category 3 : State chhung - Rs 10,000 (General illness avanga hospital a admit) Direct Benefit Transfer: NFTW fund dilte hi an account ah direct a pek an ni tawh anga, diltute chuan an Bank account first page photocopy thil tel tur a ni. Teachers’ Day 2023 lawm zawh atangin hman tan tura ruahman a ni.

3) Deputy Commissioner, Hnahthial chu District Education Committee Chairman a nih angin Teachers' Day thuchah sawi se, hei hi a huam zau thei ang bera thehdarh nise tih a rel a. Local Cable TV network, Local newspaper bakah District huamchhunga khaw dang school zawng zawngah chhiar chhuah theih tura thehdarh ni se tih a rel bawk.

4) Observance of the day in Block/Sub Division level: Block/Sub Division a then a nih loh avangin Hnahthial District-ah a hranpaa tih ngai lova ngaih a ni a, District huamchhunga khawdangah chuan Teachers Association tên a tul angin ruahmanna siam se tih a rel.

5) District Teachers' Award: District Teacher Award hi diltu an awm thin loh avangin Hnahthial District chhungah sem/pek tur an awm lova, hemi chungchangah hian zirtirtute' n awareness an neih theih nan hma lak nise tih relin kumin September ni 5 a lawm tur Teachers Day denchhanin a lawmna programme-ah inhrilhhriatna neih ni se tih a rel bawk.

6)Display of Banner & Street Posters : Teachers' Day 2023 denchhenin Banner leh poster-te Hnahthial khawpui chhung lun laiah tar nise. DEO leh Samagra tên tul an tihna hmuna tar atan ruahmanna siam se tih a rel bawk.

7) Teacher's awardee-te chawimawi : State Working Committee for Celebration of Teachers' Day in a rel angin Teachers Day 2023 lawmnaah hian zirtirtute chawimawna -National/State Awardess (la dam te) neih ni se tih a rel.

8) Football Match Chungchang: State Working Committee for Celebration of Teachers' Day in an rel zulzuin zirtirtute in unauna leh inpawhna atan Friendly Football match neih nise tih a rel a, ruahmanna kimchang siam turin DEO ruat a ni bawk.

Vawiin District Level Committee on Teachers’ Day Celebration thutkhawmah hian SP Hnahthial District aiawhte, Deputy DPC, Samagra Shiksha, CEO, SDEO Office, HISSLAM aiawhte, MISSTA, MSTA, MPTA, Sub-Hqrts. YMA, Sub-Hqrs. MHIP, MJA Hnahthial, MZP, Hnahthial, MSU, Dist. Hqrs aiawhte bakah Pi Vanlalhliri Sailo, Hdm (Rtd)/ State Awardee (Prominent Citizen) te an tel a ni.