1601/2023-2024

Mamit 22nd August, 2023 : Vawiin khan DC Conference Hall, Mamit-ah Pu V.L Remliana, Chairman District Task Force On Immunization (DTFI)/ District Bawrhsap kaihhruaina-in District Task Force on Immunization chu IMI 5.0 1st Round thirletna, IMI 2nd round kalpui dan tur thlirlawkna leh MR Elimination chungchang thlirho-a thutkhawm a ni.

Pu V.L Remliana chuan meeting tura kalkhawmte chungah lawmthu sawiin vaccine pek chhuah thin hrang hrangte hi a la thei chin leh la tur bithliahte'n tha taka la a, nu leh pate pawhin kan fate Vaccine laktir ngaipawimawh turin a chah.

Meeting-ah hian Dr. Lalnuntluangi Khiangte, District Immunization Officer/Secretary, DTFI chuan IMI 5.0 1st Round (7th-12th Aug) kalpui tak tarlangin naupang kum 2 hnuailam target 166-ah 165 cover an ni a, naupang kum 1 atanga kum 5 thleng vaccine la la ngailo mi 106 te hnenah pek an ni. Nu naupai target 50 ah mi 46 te hnenah vaccine pek an ni bawk. IMI 1st Round hi fur khua a nih avangin kawng chhia leh ruahsur avanga khaw kal pawh hleih theihloh a awm thu tarlan tel a ni.

Meeting-ah hian IMI 5.0 2nd Round (11-16 sept) 2023 chhunga kalpui dan tur thlirhona neih a ni a, khaw 92 tuam tum niin survey neih mek a ni a, khaw 12-ah zawh tawh a ni. Mamit District chhung hi inkalpawhna kawng leh hnam chi hrang hrang cheng kan nih avangin hun kaltawha harsatna awm thin ang te buaina awmlo tura hmalak nise tih a ni a, Bru leh Chakma khua bikah khawtlang hruaitute nen in biak lawkna neih nise tih a ni bawk. 2nd Round kalpui turah hian Department hrang hrangte inpuihbawm theihna ang anga tan ho dan tur sawiho zui a ni bawk.

Dr. Lalhlimpuii, WHO/ SMO Aizawl chuan Vaccination chungchang leh a pawimawhna a lem nen a tarlang a, Mizoram chhungah a thlawna vaccine kan dawn hi chi 11 awmin kum 2022-2023 chhungin Mamit District chhungah mi 1485 vaccine pek an ni a, 72% a ni. Mamit District chhung khaw 31 high risk area ala awm thu a tarlang bawk.

Measles Rubella (MR) chungchang tarlangin December 2023 chhungin Eliminate anih theih nan naupang Kum 5 hnuai lam tan dose hnih a lak tur a ni a. Sentut leh Sentet umbo tur hian 95% talin Vaccine an lak a ngai a ni.

Meeting-ah hian District Task Force on Immunization Members te an tel tha hle a ni.