1603/2023-2024

Dated Serchhip, the 22nd August, 2023: Vawiin khan Serchhip DC Pu David Lalthantluanga hovin DC meeting Hall ah Serchhip District chhunga Teachers Day lawm dan tur ngaihtuah a ni.

India President hlui, zirtirtu ropui Dr. S. Radhakrishnan-a pianchamphaphak September ni 5 ah “Teachers’ Day” chu India ram pumah kum tin lawm thin a ni a. Kuminah pawh he ni hi ropui taka lawm leh ni se tiin State level meeting chuan a rel a. Serchhip District pawhin hemi bawhzui hian Teachers Day hman dan tur an ngaihtuah a ni.

Kum danga tih thin angin he ni hi Serchhip District chhunga school zawng zawngin anmahni remchan dan angin anmahni school theuhah hman ni se tiin meeting chuan a rel a. He mi ni ah hian Mizoram Sawrkar School Education Minister Teachers Day thuchah chu school tinah chhiar chhuah ni se, tih a ni. He hun pawimawh tak pual hian Serchhip DC Pu David Lalthantluang pawhin cable tv kaltlangin thuchah a sawi dawn a. Serchhip District chhunga zirtirtu tha thlan chhuah mi pathum te hnenah lawmpuina sumfai leh certificate chu Serchhip DEO office-a function buatsaihah DC hian a hlan dawn bawk a ni.