1601/2022-2023
Hnahthial 15th August, 2022 : Vawiin khan India Independence Day vawi 76 na chu HBSC Ground No-1, Hnahthial-ah ropui taka lawm a ni a. Food, Civil & Supply Minister Pu K. Lalrinliana chu khuallian a ni. Independence Day vawi 76 lawmnaah hian Hnahthial District a sawrkar hnathawk hrang hrang leh NGOs hruaitu hrang hrangte an tel a ni.

Hnampuan zar pawh pharh niin, National Anthem ngaihthlak a ni a, Contingent 10 ten hnampuan zar zahna chibai an buk a ni.

Khuallian Pu K. Lalrinliana chuan India zalenna ni vawi 76 lawmna a kal zawng zawngte duhsakna chibai a buk a. India sawrkar pawn Azadi Ka Amrit Mahotsav hnuaiah a lawmna programme chi hrang hrang a hmang zel a; he kum-ah hian mipui leh abikin thangthar zawk ten zalenna neih ropuiziate hre chhuak thar a, ram buai emaw mi awpbehna hnuaiah ram leh hnamin hma a sawn harziate kan hre theuh a; kan ram zalenna sualtu, kan ram hruaitu hmasate hi heng vangte hian zahna chibai buk an phu reng a ni tiin a sawi. Minister chuan he hun hian mipuite min tiphur leh se, ram hmasawn nan kan theih ang tawk theuhah rinawm leh taima takin tan la thar theuh turin a sawm a ni.

Khuallian chuan tun hnaiah kan ram mai bakah khawvel-in hun harsa tak tak a paltlang a, hri chi hrang hrangte lengin kan ram economy a tihniam a, hmasawn-na kal laia tichawlin a tithuanthu a, ramri buai te, lirnghing te leh kan ram thenawm ram buai te’n kan hun a luah khat hneh hle tih a sawi a. Heng karah hian kan ram chuan hmasawnna lam a theih ang tawkin a pen ve zel a, Hnahthial District-ah pawh hian hmasawnna tha hnem tak hriat tur a awm a, chungte chu- Deputy Commissioner Office Hnahthial hi Ni.09.08.2019 a din tan niin tunah hian Office Building tur hi Rs.10 Crore hmangin sak mek a ni a. DC Office atang hian mipui mamawh Certificate hrang hrang ILP- Fresh -246, Renewal -176 leh Surrender- 17, Arms Licence-_Fresh 17 leh Renewal 216, Residential Certificate-_315, Scheduled Tribe Certificate - 571, Income Certificate 333 leh Tax Exemption Certificate 24, Birth & Death Certificates - 150 te pek chhuah a ni tawh a. Aadhar Enrollment hi mi 1935 tih tawh niin Village Council Election hlawhtling taka buatsaih a ni a ti a. Electoral Roll Revision pawh mumal takin kalpui a ni a; EVM Warehouse tur pawh Rs. 20 lakh sengin sak mek a ni. Raltlan chungchangah hian theihtawp a hmalain an chenna tur buatsaih bakah an mamawh, ei leh in bakah Committee mumal tak siamin an dinhmun enfiah reng a ni a. Raltlan chhinchhiahna turin Identity Card siamsak vek a ni tawh bawk a ni. Tuipui ‘D’-ah Lei tha tak dawh tum a niin Survey/Assessment tih zawh a ni tawh a; Circuit House tur hi PWD Complex-ah sak tum a niin Drawing peih fel a ni tawh a, hun reiloteah sak tan beisei a ni tih a sawi.

Khuallian chuan FCS&CA Department chuan chhungkua 11,23,340-te hnenah Public Distribution System (PDS) hnuaiah buhfai pek thin a ni. Hnahthial SDC huamchhungah Ration Card a chuang 14803 awmin NFSA-ah 9504, AAY-ah 930 awmin PHH-ah 8574 an awm. Furpui lo thlen laia hmun thenkhat lirthei kalpawh theih loh na khua a mipuite’n ei leh bar an tlakchham loh nan kumin (2022) hian Supply Centre 79-ah buhfai dah lailawk thin niin, kumin hian buhfai 217953.75 qtls. dah lawk (advance stocking) a ni. Hnahthial District chhungah hian heng Supply Centre pathum (3), South Vanlalphai, Cherhlun leh Thingsai-ah te hian monsoon stocking hi kalpui a ni a, kum 2022 October thlenga heng Supply Godown atanga buhfai la thinte ei tur chu dah fel vek tawh a ni tih a sawi.

Pradhan Mantri Garib Kalyan Yojana (PM-GKAY)’ hi Prime Minister relieve programme niin Mizoram-ah May, 2020 atang khan hman tan a ni a, September, 2022 (6th phase) thleng hian kalpui tura ruahman a ni. He scheme hnuaiah hian NFSA beneficiary (AAY & PHH) te’n COVID-19 hrileng vanga ei leh bara harsatna an tawh chhawmdawlna atana thla tin athlawnin mi pakhat zelin buhfai 5 kg an dawng thin a ni. Hnahthial District huamchhunga AAY beneficiary 2302 leh PHH beneficiary 17625 a awm mekte pawhin he hamthatna hi an dawng thin a ni tih a tarlang a. Myanmar Sawrkar abuai avangin Mizoram a District hrang hrangahte hian Raltlan (refugee) 15,981 vel an rawn lut tawh a, heng mite eitur buhfai 950.06 qtls. pek chhuah a ni tawh bawk a ni. Hnahthial district-ah refugee 2057 tan qtls 164.56 pek chhuah tawh a ni. Tun sawrkar hnuaiah hian Central Sector Scheme leh NABARD sum-te in godown, staff quarter leh akaihhnawih dangte hmun 31-ah sak zawh tawh niin, chung zingah chuan Hnahthial District-ah Tarpho godown pawh sak zawh tawh a ni.

Tunah hian hmun 23-ah sak tum leh mek niin, Hanhthial, Cherhlun leh S.Vanlaiphai godown-te chu sak thar tum a ni a. Khuallian chuan mipuite’n Consumer kan nih anga kan lungawi loh na Court-a kan thehluh dawn a mahni kal kher lova ‘e-Daakhil portal/website’ hmanga thehluh theihna chu ni 26.06.2022 khan hawn a ni tih sawiin, he portal-ah hian cheng nuai nga (Rs 5 lakh) leh a chunglamah chauh complaint fee hi a awm a ni a ti a. Consumers ten an chanvo dik taka an chana, an neih theih nan Ni.1-3-2021 khan Govt. Notification hmangin Mizoram sawrkarin Hnahthial District ah District Consumer Disputes Redressal Commission (District Commission) a din fel tawh a, he Commission enkawl tur hian President, Commission member 2 leh Registrar-te pawh a ruat fel tawh tih a sawi. Commission office building sakna hmun tur hi DC remruatna hnuaiah ngaihtuah mek a ni a, hei bakah hian mumal taka office akal theih nan a thawktu tur staff leh office bungrua mamawh turte pawh nei turin hmalak mek a ni bawk. Reiloteah mumal takin Consumer Commission hi mipui tan tangkai taka thawk thei tura beisei a ni a ti bawk.

Khuarel chhiatna leh ramri buaina avanga Gas leh tuialhtheia harsatna kan tawh thin a ziaawm theih nan Sawrkar-in hma a la a, Mualkhang-a LPG Bottling Plant tih lenna turin ram 2 hectares a zau asirah lei belh a ni. He hmalakna hian Mizorama Gas supply-ah a nasa takin a chhawk dawn a ni.
Tuialhthei-ah harsatna kan tawh fo loh nan Mizoram chhung ngeiah Railfed POL Storage Depot Sorkar-in neih tha a ti a. Chumi atan chuan IOCL te leh NF Railway-te nen inbe rawn a thawh ho a niin, ram, 35 acre an mamawh thu IOCL-te hian Mizoram sawrkar an hriattir a ni. IOCL-te ram duh zat hi Sihhmui leh Bairabi-ah mimal ram engemaw zat en tawh a niin technical study hi IOCL leh NF Railway lamin an nei mek a ni tih a sawi a. District Office (DCSO Office) hawnna hi GAD atangin phalna hmuh tawh a ni a, office a thawk turte lakna tur hi DP&AR Department-ah dil ni tawh in, tunah hian an ni hian zir chianna an nei mek a ni. Legal Metrology building tur atan Working Standard Laboratory nuai 50 in sak zawh tawh a ni a ti a. Legal Metrology hi hnathawh indaih loh na vangin Serchhip atangin hmui a la ni rih a ni tih a sawi.

Pu K.Lalrinliana chuan Local Administration Department chuan thingtlang khuate hmasawn nan theihtawp a chhhuah a, central-ah grant leh scheme hrang hrangte zu bawh zui-in heng scheme-te hi thingtlangte hmasawn nan central-ah a zu dil chhuak tawh a ni a ti a. Excluded Area Grant (EAG) hnuaiah kum 2019 khan Mizoram tan Rs. 45.44 cr hmuh a ni a, he mi atang hian Hnahthial District-a khaw tin hmasawnna hnathawhna atan Rs.222.855 lakh hman a ni tih a sawi. EAG hnuaiah kum 2020-ah Mizoram tan Rs.16.24 cr hmuh a ni a, Hnahthial District tan Rs. 82.83 lakh dah a ni a, a tul angte buaipui mek niin, tihfel anih veleh khawchhung hmasawnna hna thawhna atan hman theih turin pawisa hi VC-te account-ah thun nghal a ni ang tih a sawi bawk.

15th Finance Commission Grant 2020-2021 hnuaiah Mizoram chuan a vaiin Rs. 9300.00 lakh hmuin, Hnahthial District huamchhunga VC zawng zawngte’n, a belhkhawmin Rs. 401.99 lakh an dawng a; hetah hian Untied fund atan Rs. 200.995 lakh hmuin, hei hi instalment hnihin pekchhuah a ni a; Tied Fund atan Rs. 200.995 lakh tho, installment hniha pekchhuah a ni tih a tarlang a. 15th Finance Commission Grant 2021-2022 hnuaiah Mizoram chan tur hi a vaiin Rs. 6900.00 lakh a ni a; hemi hnuaiah hian Hnahthial District chuan a vaiin Rs. 252.04 lakh a dawng dawn a. Hemi atang hian Untied 1st Instalment-ah Rs. 50.41 lakh hmuin, hei hi VC-te account-ah thunfel a ni tawh a; portal atul ang tihfel anih veleh pawisa hi hman theih a ni ang. 1st instalment Tied Fund atan Rs. 75.61 lakh dah a ni bawk a; Expenditure Sanction hmuh anih veleh tul angte bawhzuia, pawisa hi hman thuai theih tura ruahman a ni. Second instalment atan pawh hemi zat tho hi Hnahthial District atan ruahman a ni bawk a ni a ti a. Village Council House thuamthatna (Panchayat Bhawan Support) atan tun thlengin Village Council House thar 10 sak fel tawh niin a hlui 7 repair tawh a ni a, tunah hian Village Council House thar 140 sak tan mek niin, Village Council House hlui 95 repair mek a; Village Council House 5-ah Common Service Centre (CSC) dah tawh a ni a, tunah hian Village Council House 10-ah CSC dah turin tul angte tihfel a ni tawh bawk a ni a ti a.

Minister chuan Hnahthial District atanga VC House sak tanpuina dawng, tun hnaia release-te chu - Pangzawl North - Rs. 10.00 lakh (new construction); Cherhlun Village Council -Rs. 4.00 lakh (repair); Muallianpui Village Council-Rs. 4.00 lakh (repair); Rawpui Village Council-Rs. 4.00 lakh (repair); Khawhri Village Council- Rs. 3.00 lakh (repair); South Chawngtui Village Council-Rs. 3.00 lakh (repair) tih a sawi a. Heng bakah hian Aithur, Hnahthial North I, Hanhthial South III, New Kawnpui, Rotlang East-ah te sak thar tur a ni a, South Vanlaiphai VC house chu repair tur a ni a ti a. RGSA hnuaiah hian Village Council 193 hnenah Computer Set 193 sem chhuah a ni tawh a, Computer Set 50 dang chah thlen leh tawh niin, sem thuai turin ruahman mek a ni. Hnahthial District atangin VC 11-in Computer Set an dawng tawh thu a tarlang a. RGSA hnuaiah tho hian, Village Council-te leh tualchhung ei bar tihhmasawnna (local economic development) atan Mizoram chhungah Project hrang hrang pathum (3) siam niin, heng zingah hian Hnahthial District chhunga Tuipui ‘D’ Village Council huamchhungah, khualzin mite hip turin Project pakhat “Rural Homestay at Tuipui Darzokai” tih chu Rs. 84.00 lakh sengin ruahmanna siam a ni tih sawiin, he Project hi tan thuai tum a ni a ti a. Kum 2023 chhung hian Hnahthial, Khawzawl leh Saitual-ah te District Panchayat Resource Centre-te din tum a ni a ti bawk a. Fisheries Deparment-ah tun dinhmunah hian Mizoram pumpuia sangha dil siam tawh zau zawng chu 5527.08 Hectare anga chhut a niin, sangha khawi hi mi 16588 awm mek anga chhinchhiah a ni tih sawiin Hnahthial District-ah dil nei mi 367 awm anga chhinchhiah a ni a, dil awm avaia belhkhawm hi Hectare 32 anga chhinchhiah a ni a ti a. Kum 2022 chhunga Mizoram atanga sangha tharchhuah zat hi quintal 45,750.50 (quintal singli sangnga za sarih sawnmnga leh kg 50) anga chhut a ni. Hnahthial district atanga thar chhuah hi quintal 175 anga chhut a ni a ti bawk. Fisheries Department chuan Mizoram Fisheries Act hnuaiah kan ram lui dungte humhalh tur leh awmze neia hman tangkai a nih theih nan tan a la chho zel a; Fisheries Act hian hmuhnawm tur ringawta sangha leh luia nungcha dang humhalh hi a tum ber a ni lo a, mi tam takin eizawnna an neih theih nan a tichereu lo tawka dan phal china sangha man te, an inthlah pung tur leh an fuanna hmun humhalh te, an inthlah pun hun laia sangha man phal loh hun ‘closed season’ siam te, a chithlah pung tur an awm reng theih nan humhalh burna hmun siam te a ni a ti a. Hei hi YMA Branch tam takin an lo kengkawh mek a, tha zawk a kalpui anih theih nan, Central YMA nen pawh thawhhona thuthlung ziah tawh a ni. Kan lui dung humhalhte hi khawtlangin sum kan hmuh letna turin kan hmang tangkai anga, Tourist hip nante pawh kan hmang tangkai chho zel dawn a ni. Sangha humhalh a nih theih nan a mahni khaw bul lui-te thahnemngai taka humhalhtu NGO/YMA te hnenah a theih ang anga tanpui pek chho zel tum a ni a ti a. PMMSY ( Pradhan Matri Matsya Sampada Yojana) hnuaiah kawng hrang hranga Mizoram Fisheries-in hma a sawn theih nan ruahmanna siam thin a ni. RKVY hnuaiah fisheries development tanpuina hrang hrang pekchhuah thin a ni bawk a ni tih a tarlang. Sangha chi lama kan intodelh theih nan Hatchery siamna tur 2020-2021 chhungin 5 pek chhuah an ni a, kum 2021-2022 chhung hian 6 pekchhuah leh a ni ang a ti a. Hnahthial District ah pawh 1 (pakhat) dah tura ruahman a ni tih a sawi a. Sangha chi Hatchery atanga an thar chhuah khawi len na tur Rearing ponds siamna kum 2020-2021-ah hectare 46 siamna tur pekchhuah a ni a, Hnahthial district-ah mi 31 hnenah a vaiin Hectare 3.16 a zau siamna tur pekchhuah a ni a ti bawk. Kum 2021-2022 sum atangin a vaiin hectare 80 siam a ni dawn a, chuta tang chuan Hnahthial District-ah hectare 2 siam belh leh tur a ni ang tiin a sawi. Kum 2020-2021 sum atangin dil thar a vaiin hectare 140 siamna tur tanpuina pek chhuah a ni a, Hnahthial District-ah mi 51 hnenah a vaiin 7.2 hectare a zau siamna tur pekchhuah a ni a ti a. Kum 2021-2022 sum atangin Hectare 95 siam belh leh tur a ni a, Hnahthial District-ah Hectare 5 siam tur a ni ang a ti bawk. Tun Sorkarin Administrative District 3 a hawn thar viz. Hnahthial District, Khawzawl District leh Saitual District- ah DFDO Office neih anih theih nan theihtawpa hmalak mek a ni a, General Administration Department(GAD) atangin Approval hmuh tawh niin, Finance Department approval la tura kaltir leh mek a ni tih a sawi.

Minister chuan PWD Deparment hnuaiha PMGSY hmangin Khawhri-Chawngtui Road (0.00-17.81), Thingsai-Bualpui(H)Road (0.00-5.20), Pangzawl-Lungmawi Road(0.00-7.10) te thawh zawh ni tawhin Cherhlun-Ngharchhip Road(0.00-7.64) hi September, 2022 a thawh zawh hman tum a ni a ti a. NABARD hnuaiah Hnahthial-Haulawng Road Phase II (12.00-34.00) hi kumin chhung a thawh zawh tum a ni a ti a. NLCPR hnuaiah Hnahthial-Haulawng Road Phase I hi thawh zawh a niin SPP hnuaiah Thingsai-R.Tiau Road(0.00-15.40) hi formation cutting zawh a ni tawh bawk a, heng hna Muallianpui – Tuipui D via Lungleng ‘S’ road – 20.00km, Muallianpui – Bualpui‘H’ road - 27.00km leh Tarpho–Aithur road - 7.00km te hi Concept paper thehluh niin bawhzui mek a ni a ti bawk. District Rural Development Agency, Hnahthial hi Ni. 24.03.2021-ah hawn niin Ni.01.04.2022 atangin Office function a ni a. MGNREGA hnuaiah Khaw 32 atangin Job Card holder hi 7014 awmin tun thleng hian ni 29 inhlawhna pek niin kum 2022-2023 chhungin ni 84 tal thawh hman tir tum a ni a ti a. PMKSY hnuaiah Rain Water Harvesting leh Lei kalral tur venna lamah hmalak a ni a Watershed Cell cum Data Centre niin project hi kum 4-7 chhung a zawh fel tum a ni a ti a. Watershed Management-ah hian khaw pathum, Tarpho, Khawhri leh S.Chawngtuiah-te hmalak mek a niin 2400 ha. lai cover mek a ni a ti bawk.

Khuallian chuan KVK in Kum 2021-2022 chhungin Loneitu/Huan siam mi 2081 hnenah training a pek bakah mi 29 tan Vocational training buatsaih a ni a. Darzo hmunah Alu chin tir niin 2 acre. a zau hmunah 40 Quintals thar chhuah a ni. UD & PA Hnahthial nen tangkawpin Waste Management lamah hmalak a nih thu sawiin. NICRA project hnuaiah Hnahthial-ah Custom Hiring Centre changtlung tak din a ni a, Loneitute tan hmanraw hrang hrang hawh theihin a awm a ni a ti a. Kum 2019-2022 chhungin Ar tha chi (Rainbow Rooster) hi 1473 awpkeu tir niin Artui 5555 thar chhuah a ni a, KVK Zone VII hnuaiah Best NICRA Award, 2019 chu KVK Hnahthial hian an dawng a ni tiin a sawi. Samagra Shiksha hnuaiah Elementary School 78 a Naupang 3154 hnenah Zirlaibu a thlawn a sem a ni a School 91-ah Library lehkhabu sem a ni bawk a, Mid-day Meal hi Elementary School 99 a naupang 4365 hnenah pek mek a niin Inclusive Education hnuaiah Naupang 77-te hnenah transport Allowance pek an ni a, Stipens for Girls hi naupang 63 hnenah Rs. 2000/- theuh pek a ni tih a sawiin Govt. Higher Secondary School Science Stream building sak mek a ni tih a sawi bawk a ni.

Land Revenue & Settlement Department hi Ni.24.08.2020 atangin bul tan niin tun thleng hian Department 8 tan Land lease tur tehfel a niin Kohhran leh NGO 8 te hmunhma tehfel a ni tawh a. In hmun 22 tehfel a ni tawh bawk a ni a ti a. District Child Protection, Hnahthial Unit hi April, 2022-ah hawn niin Child Welfare Committee leh Juvenile Justice Board hi Ni.16.09.2021-ah din niin tun thleng hian Naupang harsatna hrang hrang Case 43 chinfel a ni a ti a. District Treasury Office, Hnahthial hi Ni.01.07.2022-ah hawn niin Hnahthial District-ah DDO 15 an hnuaiah hian an awm a. Govt. Transaction Bill 112 leh CDDO Cheques 10 dawn niin tunah hian Bank lam inpeih fel veleh Full transaction tithei turin in ruahman a ni a ti bawk a. Police ten 1st August, 2022 thleng khan Heroin No.4 Gram 547 man niin Ganja 1.300 Kgs man a ni a, Case 4 ziahluh a ni. Traffic Management lamah pawh hmalak niin Sorkar Revenue-ah Rs. 11,15,400/- thehluh a ni a. Covid -19 dan bawhchhiate sum chawi hi Rs. 3,34,500/- a ni a ti a.Thingsai leh Hnahthial Police Station bakah S.Vanlaiphai Outpost Station-ah te CCTV vuah niin Thingsai Police Station Building sak that a nih thu a sawi a. Hnahthial Police Station- ah Naupang/Hmeichhiate pual leh PwD(Rualbanlote) tan Room siam sak a ni bawk a; Govt. Higher Secondary School leh Govt. High School pahnihah Drugs Awareness Campaign cum Signature Campaign neih a ni a, Zirlai naupang 430 lai an tel thei a ni a ti a. Minister chuan School of Agricultural Sciences-ah hian tunah hian Trainees 28 awm mekin kum 2022-2024 session atan Zirlai 30 nei turin hmalak mek a ni a; State Agricultural Management & Extension Training Insitutte (SAMETI) nen tangkawpin Skill Training of Youth chu kalpui niin mi 28-in Pa (Mushroom) khawi an zir a, an hlawkpui hle tih a sawi a ni. Agriculture Deparment kaltlangin SEDP hnuaiah chhungkaw 744 thlanchhuah hnenah Vaimim chi 144.80 Qtls pek a ni a Fu chingtu tur chhungkaw 24 hnenah Fu chi 96,000 ngaihtuah sak an ni a ti a. Agriculture Link Road hi Km 8 laih a niin Rs. 36,00,000/- sen a ni a, Hnahthial-ah IV Grade Quarter pakhat sak a ni a, NABARD sum hmangin DAO Office cum Quarter sak mek a ni a ti bawk. Dragon Fruit chingtute tan Water Harvesting Tank 10 siam sak an ni a, PMKSY hnuaiah Water Harvesting Structure 16 siam sak a ni bawk tih sawiin Oil Palm chingtu mi 100 te tan leihlawn leina tur Rs. 3000 theuh pek an ni a, mi 250 tan Rs. 1500 theuh pek a ni a ti a. Thlai chi hrang hrang a thlawna sem bakah Loneitute hmanraw mamawh 50% subsidy in pekchhuah a ni tih a sawi. Horticulture Deparment hnuaiah Dragon Fruit ching tura thlan chhuahte hnenah a ban siamna bakah hmanraw mamawhte pek an ni a. Serthlum leh Hmarcha chingtute hnenah an mamawh angin a chi man bakah a enkawlna tur leitha leh hmanraw mamawhte pek thin a ni.

Horticulture Complex, Hnahthial-ah Manager Quarter sak niin NABARD hnuaiah Collection Centre sak a ni bawk a nk a ti a. Ngharchhip-ah Packhouse sak a niiin thlai leh thei chingtute hnenah tanpuina sum fai bakah hmanraw mamawhte pek chhuah a niin an mamawhna hmunah Tuizem siamsak a ni bawk a ni a ti a.

Khuallian chuan District Sericulture Officer Office hi August, 2021 atanga bul tan niin Thingtheihmu atanga Cocoon siam Kgs. 639.9 leh Eri Silk atangin Cocoon 83.4 Kgs thar a ni a ti a. DSO Office building hi sak zawh niin tunah hian luah fel tawh a ni tuh sawiin, Silk Samagra 2 hnuaiah chhungkaw 63 te Eri Silk pangang khawi tur a tanpui niin an mamawh angin a khawina tur In leh hmanraw mamawhte pek an ni a a ti a. SEDP hnuaiah chhungkaw 21 te hnenah Silk Pangang khawi chungchang inhrilhhriatna hun hman a ni a ti bawk. RUSA atangin Govt.Hnahthial College Academic Building sak niin luah mek a ni thu sawiin Library cum Recreation Hall sak sak niin, Administrative Building chu sak chhunzawm/tihlen a ni a ti a. SEDP hnuaiah Cafeteria Building sak a ni a ti a.

Education Deparment-ah NABARD hnuaiah High School 1, Middle School 6 leh Primary School 2 sak that niin Higher Secondary School 1, High School 2 leh Primary School 9 repair a ni. SEDP Teacher mi 35 dah a ni (Higher Secondary School 1, High School ah 6, Middle School-ah 9 leh Primary School-ah 19) a ni tih a sawi a. UD & PA Office tur hi Rs. Nuai 70 sengin sak mek a ni tih tarlangin; November, 2022 hma a luah theih beisei a ni a ti a.Hnahthial khawpui faina leh cheimawina kawngah nasa taka hmalain Wall Painting hmun tam takah siam a ni a. Sorkar laipuiin Plastic hman nawn theih loh a khap chu bawhzuiin Self Help Group-te nen tang hovin Paper atanga siam Bag-te semin Dawrkaite hnenah leh Bazar lunlaiahte lehkha semin SUP Free Campaign neih thin a ni a ti a. DC Office atanga tanin DUDO Office, BDO Office, Govt. High School leh Govt. Hnahthial College-te chuan Single Use Plastic Free Office/Institution-ah puan an ni tih a sawi. Kabod Training Institute hawn niin puanthui zirlai 30 an awm mek tih sawiin, August, 2022 ah hian Training hi an zo ang a ti a.

Minister chuan ICDS hnuaiah khaw 25 a Anganwadi Centre 115 awm mekah kum 2019-2022 chhungin Naupang kum 6 hnuai lam – 11874, Raipuar 1420, Naupawm -1138 leh SAG hnuaiah mi 11 te tanpui an ni a ti a. Thingsai Anganwadi Centre X-na chu sak that thu sawiin Anganwadi Centre 14-ah Toilet siam sak an ni a ti a. Anganwadi Worker 115 te hnathawh na turin Smartphone pek vek a ni thu sawiin nau neih tanpuina mi 179 in an dawng tawh thu leh Anganwadi Centre 77 ten Nutri Garden an siam sak bakah Centre 38-te pawhin an neih ngei theih nan hmalak mek a ni a ti a. Rural Development in Independence Day pualin MGNREGA hnuaiah khawtinah MGNREGA Monsoon Water Conservation Drive neih a nih thu sawiin; July, 2022 hian Plantation Drive neih a ni a, Khaw hrang hrangah tuikhuah 75 laih tur niin tuikhuah 66 laih zawh tawh a ni a ti a. MzSRLM hnuaiah khaw 32-ah SHG 415 awmin SHG Member 3089 an awm mek tih a tarlang bawk a. An mamawh tur Revolving Fund 34.3 Lakh pek a nih bakah Bank Loan hi SHG 17 hnenah Rs 33.5 lakh pek chhuah niin Classical Swine Fever Vaccine hi vawk 2051 hnenah pek a nih thu a sawi. PMAY-G hnuaiah beneficiary 206 approved niin tanpuina an dawn thuai theih nan hmalak mek a ni a ti a. PHE Deparment chuan Hnahthial Town chhungah Private House Connection 1624 pek niin JJM hnuaiah khua 16-ah free connection 2155 pek tawh a ni a ti a. Mizoram pum hi ODF a puan niin Swachh Bharat Mission Gramin-ah ODF Plus turin hmalak mek a ni a ti bawk. Health Deparment hnuaiah Covid-19 veite endikna khawl TrueNat Machine bun fel a niin Covid vei leh vei lo test-na RAgT pawh mumal taka kalpui a ni a ti a.Laboratory atan I- Chroma machine bakah khawl thar tha zawk kan neih bel zel a ni a ti a. Tuipui D leh Leite-a Sub- Centre sak bakah CMO Office tur sak mek a ni a ti a. New born Stabilization Unit bun fel a nih thu sawiin, Ultrasound Machine pawh bun fel a ni a ti a. Covid-19 laka invenna Vacinne hi 90% in an la tawh a hriat a ni a ti bawk.

Minister chuan AH & Vety ten Ui 209 te Anti Rabies Vaccine an pek thu leh Vawk 2270 te Swine Fever Vaccine pek a nih thu sawiin Brucella Vaccine hi Ran note 13 pek niin Foot & Mount Disease Vaccination 164 pek a ni a ti a. March 2022 thleng khan Vawk 153 kah rai niin note 67 tha takin hrin tir a ni a ti a. Bawng hi 36 kah rai a ni bawk tih thu a tarlang. SEDP Programme hnuaiah Vawk vulh tur mi 5 te leh Ar chitha (Rainbow Rooster) vulh tur mi 14 thlan a ni a, Broiler vulh turin mi 10 thlan an ni a ti a.
Ran damlo 1350 enkawl tawh niin chung zinga 97-te chu zai (Surgery) an ni a, ASF vangin vawk 415 tihhlum niin tanpuina Rs. 34,00,400/- sem tur a ruahman a ni a ti bawk. District chhunga mi 171-te hnenah KCC Loan pek an ni tih a tarlang bawk a ni.

Minister chuan Economics & Statistics chhinchhiah dan in April, 2021 atangin Naupiang 383 awmin chung zingah chuan mipa 191 leh hmeichhia 192 an awm a, thi hi 224 niin mipa 127 leh hmeichhia 97 an ni a ti a. Birth Certificate leh Death Certificate-te pek chhuah theih a ni tih a sawi bawk a ni. Environment & Forest chuan kumin hian Nursery-ah thingtiak 3000 tih tiah a ni a. Range Office Complex hung that niin Forest Rest House leh Office-te chei that a ni tih a sawi.

Khuallian Pu K.Lalrinliana chuan heng hun harsa tak kara kan ram-in hmasawnna lam a la pen thei zel hi a lawm awm a ni a ti a. Hun harsate hi mihring min siamthatu leh min tichak thartu a ni fo thin a, kan ram mipui ten heng vang hian inrintawkna leh intodelh na an la neih chho zel a, kan ram leh hnam hi khawvel mitah a lo enzual zel a beisei thu a sawiin vawiin a Independence Day lawmna lokal zawng zawng te duhsakna a hlan vek a ni.

Independence Day lawmna a Parade Commander hi Pu L.H Lalliansanga, SI a ni a. Second Parade Commander hi Pu Chawnghmingliana, Hav a ni. Contigent 10 - Govt. Southern H/S, Govt. High School, St Stephen's School (girls), Moria Public School, Govt. Higher Secondary School, Govt. High School, Govt. Southern H/S, Govt. Higher Secondary School, St Stephen School (boys), FD Higher Secondary School an awm a. Lawmman chi hrang hrang Essay Writing Competition, Fire Prevention Award, Zirlai titha Chawimawina, Faina leh Thianghlimna kawng a mi chhuanawm te leh School parade contingent ti tha te hnenah sem a ni.

Attachment

  • Loading attachment...