1602/2022-2023
Lunglei the 15th August, 2022 : Vawiin hi India ram zalenna Independence Day vawi 76-na a ni a; Lunglei District-ah ropui taka lawm niin a lawmna pui ber Thuamluaia Mual Lunglei-ah Pu Lalrinliana Sailo, Hon’ble Speaker, Mizoram Legislative Assembly hovin zing dar 9 ah urhsun taka hun hman a ni.
Khuallian chuan Hnam Puanzar pawtparhin, Parade Contingent 26-te Hnam Puanzar chibai bukna a chhang let a; Independence Day thuchah a sawi hnuah Parade intihsiakna a ti thate leh Independence Day puala Sports Association-te intihsiakna hrang hranga ti thate hnenah lawmpuina a hlan a. Mizo pasaltha India zalenna sualtu Pu Darthawma (L), Chanmari, Lunglei chhungte hnenah Chawimawina (Felicitation) a hlan bawk.
Pu Lalrinliana Sailo chuan Independence Day chu kan ram mipuite tana zalenna leh beiseina chhinchhiahna kengtu kan Hnam Puanzar chibai kan bukna ni lawmawm tak a ni tiin zalenna sual tute, martarte leh hruaitu hmasa mi ropui te zahna chibai a buk a. Zalenna hnuaiah India ram chu khawvel puma mipui rorelna, Democracy ram lian ber leh ropui berte zing ami leh khawvel economy lian berte zinga mi a lo ni ta hial bawk a ni, a ti.
Khuallian chuan Lunglei District-a sawrkar Department hrang hrang hmalakna tlangpui tarlangin Independence Day Speech a sawi a ni.
HPC Lunglei fund cheng nuai 500 kaltlangin Kum 2021-22 chhungin Lunglei District-ah Department 13 hnuaiah hmasawnna hna 38 thawh a ni.
Deputy Commissioner Office, Lunglei District hnuaia Corporate Social Responsibility (CSR) kaltlanga hmalaknate - ambulance pathum dawn a ni; Anganwadi panga (5) chei that an ni; zirlai 46-te hnenah Intel A26 Smartphone pek an ni; Covid-19 do letna tura hmanraw mamawh hrang hrang cheng nuai 200 chuang man hu hmuh a ni.
Kum 2021-22 chhungin Lunglei District-ah case 128 ziah luh niin police station leh police outpost thawktute chuan foot leh mobile patrolling an nei thin a ni.
H&FW Hmasawnna ruhrel thar hengte - CMO Office Building, Type III Quarter panga (5 Units) leh emergency case enkawl vat theihna tur Trauma Care Facilities-te chu June 2022 khan hawn an ni.
2021–2022 chhungin MGNREGS Job Card Holder mi 32,972 awmin ni 96 inhlawhna siam a ni.
Swachh Bharat Mission (Urban) hnuaiah 2021-ah vantlang ekin 30, zunin 20 leh mimal ekin 161 sak zawh niin Solid Waste Management Center sak hna thawh tan mek a ni.
Green Mizoram Day 2022 ah thing tiak 8332 phun a ni.
Horticulture Department hmalaknain kuthnathawktuten thei variety pali (4) (Dragon Fruit, M Orange, Pineapple leh Watermelon) leh thlai variety 17 chingin kum 2021-22 chhungin quintal 4400.31 an thar chhuak a ni.
PWD Building Division chuan cheng nuai 822.55 man hu project pali an sa zo a. Cheng nuai 1534.75 man hu project pasarih thawh mek a ni.
PHED Rural Watsan Division chuan khaw panga –(Buarpui, N Mualthuam, Chhipphir, Ralvawng leh Zotuitlang) ah te ni zung chakna hmangin tui an pump a, in tinah connection an pe vek a ni. Hemi bakah hian khaw 15-ah tui lakluh vek niin in tinah tui connection pek vek an ni.
Lunglei khawpui leh a chhehvel khuate chawmtu tur Kawmzawl-ah 2x25MVA, 132/33kV Sub-Station siam hna Rs. 16.9 Crore hmanga siam chu thawh zawh tawh niin February 2022 khan hawn a ni.
2021-22 chhunging Goods & Services Tax (GST), Profession Tax, Mizoram Value Added Tax(MVAT), Entertainment Tax kaltlangin cheng nuai 750.23 hmuh a ni.
Lunglei Market & Trade Centre (Super Market) chu North Eastern Council (NEC) sum cheng vaibelchhe 14.03 kaltlanga sak that project kalpui mek a ni.
Education Complex, Lunglei, cheng nuai 1040 senga sak chu 8th July 2022 khan Pu Zoramthanga, Hon’ble Chief Minister, Govt of Mizoram chuan a hawng a ni.
Kum 2021-22 chhungin VC 113 te hnenah 15th Finance Commission Grant cheng nuai 1652.55 pek chhuah a ni.
Vawiin Independence Day parade-a contingent 26 zingah hian Armed Contingent pathum, Unarmed Contingent pasarih, School Contingent sawmpali leh Band Parties pahnih te an tel a, Inspector Michael Ramdinthara chu Parade Commander niin SI ZD Lalremruata chu 2nd Parade Commander a ni.
Unarmed contingent zingah NCC Lunglei Government College (LGC) chu Pakhatna niin Scouts & Guides, BHSS chu Pahnihna an ni a, Scouts & Guides, Southern Flower School te chu Pathumna an ni. School Contingent zingah JNV Pukpui Pakhatna niin 2nd Bn. MAP English Medium School chu Pahnihna an ni a, Sacred Heart HSS te Pathumna an ni.
Lunglei District atanga Governor’s Gold Medal dawngtu mi pathum – Inspector Michael Ramdinthara, Lunglei DEF; Naib Subedar Vimal Kumar Rawat, Assam Rifles; Rifleman Jitendra Ram, Assam Rifles; leh Governor’s Silver Medal dawngtu Rifleman Parvaz Islam-te hnenah khuallian hian Medal a hlan a. District Level Award to Meritorious and Outstanding Teachers, 2022 dawngtu Pi V. Lalthanzuali, Headmaster, Govt Electric Veng H/S hnenah lawmman a hlan bawk a ni.
Kumin Independence Day pual hian sports discipline hrang hrangah intihsiakna buatsaih a ni a. Heng intihsiakna a ti thate hnenah khuallian chuan lawmpuina a hlan bawk a ni.
Kumin Independence Day lawmna ah hian Sacred Heart School, Govt Leitlangpui High School, Kendriya Vidyalaya, Eklavya Model Residential School, 131 Bn BSF leh 3 NH Assam Rifles ten Cultural Program an nei bawk a ni.
Thuamluaia Mual-a Independence Day lawmna inkhawm neih a nih zawh hian khuallian Pu Lalrinliana Sailo hovin DC Bangla tualzawl-ah DC’s At Home function hman zui a ni bawk.
Independence Day 2022 lawmna hi District mipui ten in lama anlo thlir theih turin JB Zonet leh LDF Cable te chuan Live in an pe chhuak a ni.
Khuallian Thusawi :
Attachment
- Loading attachment...
