1600/2022-2023
Mamit 15th August, 2022 : Vawiin khan India Independence Day Vawi 76-na chu Mamit GSA Playground-ah ropui taka lawm a ni a. Pu T.J. Lalnuntluanga Minister, Law & Judicial, Parliamentary Affairs, Transport, Environment, Forest & Climate Change chuan khuallian niin hnam puanzar chibai buk a chhanglet.

Khuallian Pu T.J. Lalnuntluanga, Minister chuan India-in ram dang awpbehna ata zalenna famkim a hmuh champhaphak vawi 75-na lawm tura kalkhawmte leh Mamit District mipui zawng zawngte Independence Day chibai a buk a. Ram buai leh State thenkhat ralmuang lo ngaihtuahin, State ralmuang leh zalen nih hlutna te hi kan ngaihtuahna-ah lian se, kan ramah zalenna hum anih zel theih nan midangte chhiatna leh tawrhna lam ngaihtuaha sawi thin lovin, midangte tan malsawmna thlentu ni turin, midangte hmangaihna leh duhsakna tak tak nen chenho kan zir angai a ni. Kan ramin hma a sawn zel nan leh chenna nuam anih zel theih nan kan ralmuanna leh zalenna hi kan phaktawk theuhah vawnhim zel i tum ang u a ti. Mamit District chhunga hmasawnna hrang hrangte tarlangin:-

1. AGRICULTURE DEPARTMENT

PKVY (Paramparagat Krishi Vikas Yojana) : He Scheme hnuaiah hian Cluster panga (5) ah Organic Farming, loneitu 200 ten an kalpui mek a, Rajma, Bird Eye Chili leh Paddy te an ching a ni.

Oil Palm : Kum 2021-22 chhungin Oil Palm chi 2920 semchhuah a ni a, Oil Palm rah (FFB) 2600.27 MT tharchhuah a ni a, hei hi Rs.2,60,68,388.00 man a ni. Hei bakah hian Link Road, Water Harvesting Structure te siam a nih bakah a lawhna hmanrua 700 nos. leh leihlawn 300 nos Oil Palm chingtute hnenah semchhuah a ni bawk a ni.

Rural Infrastructure Development Fund (RIDF) : Rural Infrastructure Development Fund (NABARD) hnuaiah Land Development khaw panga (5) a thawh atangin buh 32.1 MT tharchhuah a ni.

National Food Security Mission (NFSM) : NFSM Oilseed hnuaiah mi 62 ten tel antam chingin 45 qtls thzr chhuah a ni a, a herna khawl hi Bawngva leh Zawlnuam a dah tura ruahman mek bawk a ni.

Special Assistance to States under Capital Expenditure : FOCUS project nena hma la hoin 150 Acre-am Vaimim Suraj 125 chin niin 873 qtls. A fangin tharchhuah a ni.

2. FOCUS (DISTRICT PROJECT MANAGER, MAMIT)

Vaimim Chin: Vaimim chi tha (var: Suraj 251) quintal 9 khaw 14-ah chhungkaw 167 hnenah sem a ni a, a chinna hmun zau zawng hi avaiin hactare 41.75 a ni.

Thlai chi sem: Thlai chi hrang hrang Balhla, Lakhuihthei, Thingfanghma, Khanghu, Phuihnam, Zawngtah leh Theihai te hi lo neitu chhungkaw 602 hnenah an enkawl zui turin sem a ni.

Bekang chin: Bekang quintal 50 (local variety) khaw 6-ah Vaimim chingtu chhungkaw 50 hnenah thlai hmasa chhunzawm vat nan sem a ni a. An chinna hmun zau zawng hi avaiin hactare 12.5 a ni.

TlangramBuh: Tlangram buh (MZ UPR Series) quintal 70 hi khaw 7 ah chhungkaw 70 te hnenah pek a ni.

Phaibuh: Phaibuh (RCM 10) quintal 11 leh (RCM 13) quintal 4.40 te hi chhungkaw 90 hnenah sem a ni.

Lei tihthatna : Chinai thi Quintal 300 hi lei tihthat nan khaw 13 a chhungkaw 100 hnenah quintal 3 theuha sem a ni.

Horticulture hnuaia hmalakna :

Kuhva tiak hi khaw 65-ah chhungkaw 1020 te hnenah tiak 500 theuhin sem a ni. Dragon fruit chinna hmun tih zauhna turin khaw 2-a chhungkaw 30 te hnenah Dragon fruit tiak 600 theuhin sem a ni. Mizo Hmarchate hi khaw pali (4) ah loneitu chhungkua
114 hnenah kg 5 theuha sem a ni. Sawhthing chi (local variety) hi khaw 5 ah chhungkaw 325 hnenah kg 150 theuha sem a ni

Land Resource Soil & Water Conservation hnuaia hmalakna : Bunds, SWC (Low cost bunds, trenches, Low cost water structures): Changkham tanpuina hi khaw 29 a, loneitu chhungkaw 400 hnenah pek a ni.

Nursery tanpuina: Mamit district chhunga Nursery 18 tanpuina pek a ni.

Tuihna humhalhna: Tuihna humhalhna turin khaw 16 ah tui dahkhawlna hmun 19 ah siam a ni.

Tui dahkhawlna leh sem darhna (WRC/TRC tan): Phaizawl leilet leh terrace chawmna turin khaw 34 ah tui dahkhawlna leh a sem darhna siam a ni.

Chang kham tanpuina (Ram nghet nei lo tan): Ram nghet nei lote tanpui nan chang kham thin chhungkaw 75 hnenah Rs. 2,125 theuh sem a ni. Bench Terracing (Ram nghet nei lo tan): Ram nghet nei lo tan bench terrace hectare 16 a zau laih a ni. Tuidawn khawlna leh tui pekna lam (Ram nghet nei lo tan): Ram nghet nei lote tanpui nan khaw pakua (9) ah tui dahkhawlna pek an ni.

3. DEPUTY COMMISSIONER’S OFFICE

I. DISASTER MANAGEMENT & REHABILITATION:
Mamit District chhungah Covid-19 hrivei 62 (active case as on 10.08.2022) an awm mek a. Hri darh zel tur ven nan Medical team leh VLTF ten hma lain beihpuithlak mek zel a ni. Kum 2021-2022 chhungin Mamit District-ah Covid-19 avanga boral mi 22 an awm a, mi 20 hnenah ex-gratia Rs. 50,000/- (Singnga) theuh pek an ni, la pek loh mi 2 te hi sawrkarah approval lak tura thawn mek a ni. Ram kang avangin loneitu 41 zangnadawmna pek an ni a, thlam 10 a kang bawk. In kang 10 awmin, thawmhnaw leh bungraw chuh hman loh chhungkaw 6 an awm bawk. Leimin avanga hrasatna tawk chhungkaw 16 an awm a, tui lian avanga harsatna tawk chhungkaw 7 an awm a, rial tla leh thlipui avangin harsatna tawk chhungkaw khat an awm bawk a ni. Pawisa faia tanpuina pek bakah leimin leh chhiatna danga hman tur silpaulin thahnem tak sem chhuah a ni bawk.

II. INNER LINE PERMIT:
Kum 2021 chhungin Mamit District chhungah ILP Temporary 1,860 pekchhuah a ni a, ILP Permanent 169 pekchhuah bawk a ni. Heng atanga sum hmuh zat chu:
ILP Temporary 1860 : Rs.1,86,000
ILP Regular 169 : Rs. 3,44,410
Total : Rs. 5,30,410

III. CERTIFICATE: Mamit District chhunga Common Service Centres 41 atangin Schedule Tribe (ST) Certificate - 2081, Residential Certificate - 2395 leh Income Certificate - 3597 pekchhuah a ni a, Mamit DC Office atangin Schedule Tribe (ST) Certificate - 316, Residential Certificate - 280, Income Certificate - 444, Death Certificate - 10 leh Birth Certificate - 81 pekchhuah a ni a, Tax Exemption Certificate - 15 pekchhuah a ni bawk.

IV. ELECTION: Ni 01.01.2022-a kum 18 tling tharte chhiar telin, Mamit District chhunga vote nei awm zat chu 70,861 a ni a, mipa - 35,860 leh hmeichhia 35,001 an ni. Electoral Roll, 2021 a belh leh paih tur tihfel hnuah, Electoral Roll, 2022 buatsaih a ni a vote nei punna zat hi 1520 a ni.

V. ASPIRATIONAL DISTRICT PROGRAMME (ADP)

NITI Aayog hmalaknain India rama District hnufual khaichhuah ngai (Aspirational District) 112 a thlan chhuah zingah Mizoram atangin Mamit District kan tel ve a. Heng District thlan chhuahte hi tehna chi hrang 5 (panga) -
i. Health & Nutrition ii. Education iii. Agriculture & Water Resources iv. Basic Infrastructure leh v. Financial Inclusion & Skill Development hmangin thla tin department hrang hrangte hnathawh dan endik a, khaikhin thin a ni. ADP overall performance neih that avangin NITI Aayog chuan Rs. 3 crore chu DC Mamit a hlan a, ICDS, Women and Child Development, Social Welfare Department leh Public Health Engineering Department-te hnenah (1.5 crore) ve ve pein, Anganwadi Centre leh naupang hriselna kawnga hmlakna atan ICDS hian an hmang mek a. PHE Deptt. hian District in tui kan hnianghnar theih zawkna atan leh tuihna humhalh kawnga hmalakna atan an hmang bawk a ni.

Tun aia hmasawnna alo chak theih nan tanpuina North Eastern Council, Bru Development Plan leh Corporate Social Responsibility (CSR) Fund hi heng REC Ltd. leh Hero Motocorp atangtein Mamit district hian kan dawng a, heng sumfai leh thilpek hmang hian hriselna lama hma kan sawn theih nan hmasawnna ruhrel (infrastructure) tih changtlun te, damdawi leh hriselna lama mamawh khawl lei nan leh Sub Centre leh Staff quarter sak nan te hman a ni. Heng bakah hian nu naupai leh naupangten chaw tha leh enkawlna tha an dawn theih nan hmalak mek zel a ni bawk. Tin, zirna lam tih changtlun nan building sak leh zirna atan a mamawh chi hrang hrangte lei niin, naupang chauh ni loin puitling ziak leh chhiar thiamlote zirtirna pekna lamah hmalak mek bawk a ni.

4. ANIMAL HUSBANDRY & VETERINARY DEPARTMENT (AH&Vety)

Focus Project hnuaiah AH&Vety ten Rainbow Rooster chhungkaw 970 hnenah Ar note 19,400 leh Ar chaw, Ar chaw pekna leh tui inna sem a ni. Chhungkaw 63 hnenah vawk note 126 sem a ni. Vawk in sak tanpuina mi 4 (pali) hnenah 1st installment Rs. 51,167.00 pekchhuah tawh a ni.
Classical Swine Fever hri danna hi vawk 11,000 pek an ni tawh a, vawk vulhtute hi chhungkaw 2,192 an ni.
Kissan Credit Card (KCC) Loan : Farmers 312 tan KCC Loan DPR siam tawh a ni a, Mamit khaw chhung atangin chhungkaw 233 leh Mamit khaw pawn atangin chhungkaw 79 an ni.

5. FISHERIES DEPARTMENT

Socio Economic Development Plan (SEDP) : Mamit District chuan sangha chi (Indian Major Carp leh Exotic Carp in pawlh) 7,00,000 sangha dil neite hnenah tanpuina (70% subsidized) a sem a ni.

Pradhan Mantri Matsya Sampada Yojana (PMMSY)

Sangha note siamchhuahna (Fish Seed Hatchery) atan Nuai 15 hmuh a ni a. Saithah khuaah May 2021 khan siam zawh tawh niin, hman theihin a awm tawh a ni.
a) Farmers 100 hnenah Rs.50,40,000/- chu Sangha dil thar siam nan pekchhuah a ni a, hei hian Hectare 10 a zau Sangha dil siam belh a ni ang.
b) Rs. 1,80,000/- chu Backward Ornamental Fish Rearing atan pekchhuah a ni.
c) A zavaiin Rs.111.72 lakh (Nuai Za Sawm leh Pakhat leh Sing sarih) hi Fisheries lam tihhmasawnna tur atan Sorkar atanga hmuh a ni a, heng sumte hi beneficiaries 152 hnenah pekchhuah a ni.

6. LAND RESOURCES, SOIL & WATER CONSERVATION DEPARTMENT (LRS&WC)

NABARD funding atangin Private Rubber Plantation heng khuaah hian siam a ni.
(1) Rengdil 200 Ha. - Hna thawh mek

(2) Kanghmun 20 Ha. - Hna thawh mek

Sorkar Flagship Programme SEDP atangin beneficiary 62 te hnenah Kuhva chinna atan Rs.44,000/- theuh leh Kuhva tiak polypot 1300 theuh pek an ni bawk.

SEDP sum atangin a thawhhnihna atan chhungkaw 324 hnenah Kuhva polypot 1300 pek an ni a, Rs. 39,000/- theuh pek tura ruahman mek a ni. NABARD sum atangin Rubber Processing Unit Mamit District chhung hmun 15-ah sak mek a ni. Mamit District chhungah Rubber Rolling Machine hmun 22-ah dah a ni a, Rubber Smoke House hmun 4-ah sak niin chhungkaw 83 hnenah Full Accessories pek an ni.

7. SERICULTURE DEPARTMENT

North Eastern Regional Textile Promotion Scheme Project (NERTPS) hnuaia kal lai ‘Eri Development Project for Aspirational District Mamit’ hian kuthnathawktute a pui hle a. He Project hnuaiah hian khaw 19 a hmalakna kalpuiin, beneficiaries 500 an awm a. He Project hnuaiah hian kum 2021 chhungin Mamit Sericulture farmer te chuan Eri la (cut cocoon) kg 820.544, Rs. 4,10495/- hu leh Pupae 6,567.904 Kgs, Rs. 19,70,371/- hu bakah Seed Cocoon Rs. 1,42,828/- hu an thar a ni. Kum 2021-2022 chhung hian Mulberry Farmers 20 hnen atangin Mamit District hian Kg.1,623.9 Rs 3,82,071/- hu kan thar chhuak bawk a ni.Beneficiary te hnena sum hi Direct Benefit Transfer System (BDT) hmanga pekchhuah a ni.

8. HORTICULTURE DEPARTMENT

Mamit District chhunga Horticulture Department hmasawnna leh hlawhtlinna tam tak hi Mission for Integrated Development of Horticulture (MIDH) hnuai ami a ni a. Area Expansion Scheme of Dragon Fruit hnuaiah beneficiaries mi 50 (sawmnga) hnenah Dragon Fruit chi sem tawh niin an huan samfai nan leh ban siam nan Rs. 6,00,000/- theuh DBT hmangin pek an ni. Tin, huan neitu thlanchhuah mi 60 hnenah litre 20,000 dawng collapsible Pre-fabricated Water Tank an huanah fit sak an ni a, Balhla chi 20,000 bakah Thingfanghma (Red Lady Variety) tiak 5,600 sem a ni tawh bawk. NEC hnuaiah Bamboo Cultivation ah hmalak a ni a, beneficiary mi 26 hnenah mau chi 400 theuh bakah a enkawlna tur Rs. 78,000 theuh DBT hmanga pekchhuah a ni tawh bawk a ni.
Tin, PMKSY per drop per more crop Scheme hnuaiah huan neitu mi 60 hnenah drip leh sprinkler irrigation system siam sak an ni tawh bawk.

9. COOPERATIVE SOCIETIES
Kum 2021-2022 chhungin Mamit District chhungah Cooperative Society function tha pangngai 87 an awm.

Pradhan Mantri Vandhan Yojana (PMVDY) hnuaiah Mamit District chhunga cooperative society 6 (paruk) te chuan Phase I ah financial assistance Rs. 90 lakhs an dawng tawh a. Heng a hnuaia training te, plant leh machinery te bun nan te, Vandhan Vikas Kendra Cluster (VDVKC) paruk din nan hman a ni.

Reiek Vandhan Vikas Kendra Cluster (VDVKC) tan Turmeric Processing Machineries/Plant chu bun fel a ni tawh a, “Reiek Aieng” hi siam chhuah tan a ni tawh a ni.

West Phaileng Vandhan Vikas Kendra Cluster (VDVKC) I leh II tana Mizo Ginger Powder leh Mizo Chilli Powder Processing Plant & Machineries te chu bun fel tawh a ni a, Hmarcha leh Sawhthing te hmanga product siam turin lakkhawm mek a ni. Kuhva skop/Processing Plant leh Tuizem te Darlak, Tuidam leh Zawlnuam a Cooperative Society te hman turin siam zawh fel tawh a ni.

Kum 2021-2022 atan, Mamit District chhunga Cooperative Societies 12 te chu financial assistance PMVDY Phase II hnuaiah dawng turin thlan an ni.

10. FOOD, CIVIL SUPPLY AND CONSUMER AFFAIRS DEPARTMENT (FCS&CA) :

Pradhan Mantri Garib Kalyan Anna Yojana (PMGKAY) : Central Sawrkar hmalakna hnuaiah a thlawnin buhfai AAY leh PHH chhungkua member pakhat tan 5 kgs thlatin buhfai pek a ni a, beneficiary 50662 pek tawh an ni a. He Scheme hian September 2022 thleng a huam ang.

India Sawrkar laipuiin ruahmanna thar ‘One Nation One Ration Card’ a lo duanchhuah chu Mamit District ah pawh tha taka kalpui niin Aadhaar leh Ration Card thlunzawmte chuan Retailer kaltlangin India ram khawi hmunah pawh buhfai an la thei a ni.

NABARD Scheme hnuaia “21 warehouses and related infrastructure “kaltlangin godown leh staff quarter 2 (pahnih) chu ni 9.4.2022 khan hawn a ni. PMUY hnuaiah Gas Connection 4202 a thlawna sem a ni a, a dawt leh tur kalpui mek a ni. Furpui lo thleng mek atan Godown 13 atangin 11 chu buhfai chhekkhawl fel tawh a ni. Hei hi October, 2022 thleng quota daih a ni.

11. URBAN DEVELOPMENT & POVERTY ALLEVATION DEPARTMENT (UD&PA)
Deendayal Antyodaya Yojana – National Urban Livelihood Mission (DAY-NULM) Achievement, Mamit CMMU
· Shelter for Urban Homeless (SUH) :
He scheme hian khawpuia mi rethei, in leh lo nei lote chenna tur tha leh him zawk ngaihtuah pui hi a tum ber a ni a. Mamit khawchhunga Children Shelter Home te hnenah Hand Sanitizers te, Disinfectant te, Gloves te, Masks te, leh Garbage Bags te pek an ni a. Tin, Lungsir Veng, Govt. Mamit Hospital bulah Dharamsala Rs. 35 lakhs man chu sak zawh tawh a ni a. Dharamsala hi mi 20 thlen theihna tura ruahman a ni a, Choka leh mutna hmun a awm a ni.

Social Mobilisation and Institution Development (SM&ID) :
Hemi hnuaiah hian Self Help Group (SHG) 59 din a ni tawh a, Revolving Fund atan Rs. 10,000/- theuh pek an ni. Mamitah hian Area Level Federation (ALF) 3 din a ni a, heng ALF te hian SHG 59 te hi an enkawl mek a ni. Skill Training Course chi hrang hrang, heng – Sahbawn siam, Chhang ur, Pickle siam, Paper bag siam leh Pa khawi zirtir an ni.

Support to Urban Street Vendors (SUSV) :
Hemi hnuaiah hian kawtthlera dawr neite hamthatna tur ngaihtuah sak a ni a. An thil zawrhna tur hmun him leh thianghlim zawk siam sak a ni a, an hmasawnna tur training te buatsaih thin a ni. Tunah hian Street Vendors 140 te hnenah ID card pek tawh an ni.

Self-Employed Programme (SEP) :
SEP in a tum ber chu khawpui mi harsa ten eizawnna nghet an neih theih nana sum lama tanpui dan zawn a ni. F.Y. 2021-2022 chhung hian District Task Force Committee chuan mi 30 a thlang chhuak tawh a. Heng mite hi SBI, MRB leh MCAB ah te loan sanction turin thawn tawh a ni.

Swatch Bharat Mission (Urban)

i. Public Toilet/Community Toilet (PT/CT): Swatch Bharat Mission (Urban) in a tum ber chu khawchhungah inthiarna thianghlim, veng tina awm tura ruahman a ni a. Mipui kawng sir emaw, hmun remchanga an inthiar mai thin hi tihreh tum a ni. FY 2020-2021 chhung hian Mamit khaw chhunga Public Toilet te thuam that vek a, ODF+ standard a hlan kai tum a ni.

ii. Solid Waste Management (SWM) : SWM in a tum ber chu kan bawlhhlawhte tawih thei leh tawih theilo thliar hran a, a thianghlim thei ang bera sawngbawl a ni. Mamit tan hian Solid Waste Management Center hmun hi Vaiza Ramah Hectare 4 a zau a awm a. Tunah hian land development hna zawh fel tawh a ni a, Site Office leh Segregation Platform sak zawh tawh a ni bawk. He Solid Waste Management Centre hi a function thuai nan hma lak mek a ni.
Pradhan Mantri Awas Yojana – Housing For All (Urban)
i. Credit Linked Subsidy Scheme (CLSS) : He scheme hnuaiah hian khawpuia in leh lo nei lote tan Housing Loan a pung tlem zawkin pek a ni a. Mamit leh Zawlnuamah kalpui niin December 2021 thleng hian housing loan hi Mamit khawchhunga beneficiary 85 hnenah sanction tawh a ni a, Zawlnuam khawchhunga beneficiary 5 hnenah sanction tawh a ni bawk.

ii. Beneficiary Led Construction (BLC) : He scheme hnuaiah hian khawpuia in leh lo nei lote tan in sak tanpuina Rs. 1.5 lakhs pek a ni a. He scheme hi Mamit leh Zawlnuamah kalpui mek a ni a, Mamit tan beneficiary 528 leh Zawlnuam tan beneficiary 239 te pawmpui tawh a ni. Heng approved tawh atang hian 1st Installment hi Mamit beneficiary 508 leh Zawlnuam beneficiary 233 te hnenah December 2021 thleng khan pek tawh a ni a. Mamit leh Zawlnuam beneficiary te tana 1st Installment pek zat hi Rs. 44,460,000/- a ni.

Socio Economic Development Programme (SEDP)

Mamit Playground cheng nuai 291.25 senna tur chu Chhim Vengah hna thawh mek a ni a, Building leh side drain, Retaining Wall, Gallery, Pavilion te thawh tura ruahman a ni a. M/s Zamzo Engineering Construction & Consultancy, Bawngkawn ten an thawk a, hna hi 40% zawh tawh a ni.

Mamit Town chhungah hna hrang hrang, PCC Flooring, Culvert, Retaining Wall, MUP House, Mini Sport Complex chei that, YMA Hall chei that leh Footpath siam hna thawh a ni a, tunah hian 97.84% hna thawh zawh tawh a ni a, heng hmasawnna hnathawhna tur atan hian cheng nuai 116 hi Mamit khawpui chhung tan dah a ni a, cheng nuai 99.50 hi Zawknuam Town tan dah a ni.

Zawlnuamah hna hrang hrang, PCC Flooring, Retaining wall, Culvert te siam zawh tawh a ni bawk.

12. CHIEF MEDICAL OFFICE (H&FW)

Mamit District hian hriselna kawngah hma a sawn ve zel a, hmun tlawhpawh harsa, thawktu indaih lohna, sum leh pai, mihring pem lut leh chhuak awm rengna bakah mihring chengte khawsak harsa tak tak awmna a ni chung pawhin hriselna kawngah hma a sawn ve zel a.
Sub-Centre ti a kan hriat thin kha Sawrkar laipui chuan Health & Wellness Centre-ah rawn thlak tawhin, tunah hian Mamit District chhungah Health & Wellness Sub-Center hi 31 kan nei mek a, Sub-centre dang pawh hi Health & Wellness a thlak chhoh thuai tura hmalak a ni. BSc Nursing leh Health Worker an awm tawh bawk a, building te pawh sak zawh tawh leh sak lai mek engemaw zat a awm bawk a ni. Malaria donaah nasa takin tan lak a ni a, kum 2021 chhung khan malaria vei 956 awmin, thih pui mi 2 an awm a ni.
Medical Mobile Unit te hian hmun harsa tak takah a thlawna inentirna buatsaihin, a thlawn vekin damdawi sem thin a ni bawk. National Blindness Control Programme hnuaiah kum upate tan a thlawnin Tarmit 762 sem a ni. TB vei tihdam zat 92% niin, kum 2021 chhungin TB vei mi 32 enkawl an ni tawh a. TB vei tan hian nutritional support te pek thin an ni. Tin, Tobacco programme hnuaia Vaihlo nghei zat chu 27.68% a ni. Mamit district hi district hnufual zing a mi a nih avangin, nu leh naupang hriselna kawngah nasa taka hmalak a ngai a, nu naupai enkawlna leh damdawiina nau piang an pung chho ve zel a, kum 2021-22 chhung khan damdawiinah nau piang 895 (66.5%) an awm a ni. Mamit District chhungah Drugs License nei mi 250 an awm mek a, license cancel sak 15 leh renew 32 awmin, license thar mi 3 hnenah siamsak a ni bawk. Food license registered hi 239 an awm mek bawk a ni.

13. DISTRICT MEDICAL SUPERINTENDENT (DISTRICT HOSPITAL)

1. Labour Room zauh leh chei that (extension & renovation) niin, ni 22 March 2021 khan luah a ni. Hei hi Mizoram-a (Labour Room) LaQshya certified awm chhun a ni. National Level-a titha ber dinhmun Platinum badge dawn a ni nghe nghe. Hetih rual hian Hospital Female ward chu chei that leh siamthat nghal a ni bawk.

2. Truenat Laboratory-a thawk tur hian dedicated staff - Laboratory Technician – 3, DEO – 1, Group D – 4 lak thar an ni a. Truenat laboratory atan Backup Generator 5-KVA Kirloskar dawn a ni bawk a ni.

3. August 2021 khan Mamit District ah DCHC chu PWD I.B Building ah hawn thar leh a ni a. Heta thawk tur hian dedicated staff Doctor – 1, Staff Nurse – 1, Group – 2 te lak thar an ni.

4. District Hospital compound leh a vel tih en nan solar street light/lamp – 6, New Mamit V.C kaltlanga April, 2020 a ruahmanna siam chu November, 2021 khan bun thar a ni.

5. Ni 15 October, 2021 khan PMCARES atangin 500 LPM Oxygen PSA Plant chu District Hospital, Mamitah bun a ni.

14. EDUCATION DEPARTMENT (SAMAGRA SHIKSHA) :
Universal enrolment, Naupang sikul kal rual kal lote tan sikul an kal ngei theihna turin Netaji Sbash Chandra Bose Awasthya Vidyalaya mipa leh meichhe naupang tan pahnih ve ve bakah Residential Hostel 2 (pahnih) leh Non-Residential Training Centre 6 (paruk) hawn a ni. Hindi Zirtirtu 107 lak belh an ni a. Sanitary Pads Vending Machine & Incinerators 93 chu school hrang hrangah bun thar a ni. Vocational Education centre 5 hawn thar niin tunah hian zirlai 431 an awm mek. Elementary School 245-ah tui thianghlim in tur leh tui dahkhawlna leh Filter dah a ni. Mamit District-a Secondary School 31 te chuan Aspirational District Programme atangin Electric connection mumal tak an nei.

Female Literacy :
a) Literacy Survey chu September, 2020 khan neih a ni a. He Survey ah hian puitling ziak leh chhiar thiam lo 5520 (1647 male & 3873 Female) hmuhchhuah an ni.
b) Female literacy atan hian Puitling ziak leh chhiar zirtirtu turin Fulltime Worker 278 chhawr an ni a, heng mite hi ziak leh chhiar thiam lo tamna bialah leh khuaahte dah niin, Puitling ziak leh chhiar thiam lote zirtir hna an thawk mek a ni.
c) Female litaracy hmalaknaah November 2021 thleng khan mi 1363 ziak leh chhiar thiam tir an ni tawh.
d) Padhna Likhna Abhyan (PLA) programme chu Ministry of Education, Government of India chuan duang chhuakin, he programme hnuaiah hian July leh September 2021 khan Basic Learning Assessment Test (BLAT) neih a ni a, hetah hian mi 843 an pass a ni.
e) Zirlaite hi an zirna hmanrua Exercise Book, Pencil, Sharpener, Eraser etc. te pek an ni a, an zir chhungin Refreshment tum sak an ni bawk.

Learning Outcome : National Achievement Survey a tehna subject hrang pali angin Samagra Shiksha Block then pali a thawktu turin Master Trainer 16 chhawr an ni. Heng Master Trainer te hian hun pumin an bial chhunga zirtirtute hnenah Learning Outcomes awmzia leh nihphungte zirtirin zirtirtute dinhmun pawh uluk takin an enzui bawk.

15. POWER AND ELECTRICITY DEPARTMENT

Mamit Power Division hnuaiah hian hna kal mek engemaw zat a awm a, chungte chu a scheme hming leh a sum sen ngai zat a hnuai ami ang hi a ni a, heng hna hrang hrangte hi thawh mek an ni :-

Zawlnuam 2.5MVA 33/11kV Sub-Station thar, 11kV Line thar, Low Tension Line thar leh Distribution Transformer sub-station thar engemaw zat bun thar hna thawh mek a ni. Project pumpui hi Rs. 841.40 lakh man a ni. Bairabi atanga West Phaileng Mamit kaltlanga 132kV single circuit line siam hna, Project Rs. 5495.00 lakh man chu NECS Funding hnuaiah thawh mek a ni. West Phaileng leh Marpara hmunah te 2x12.5MVA 132/33kV Sub-Station siam hna leh heng Sub-Station pahnihte 132kV Line a thlunzawmna atan 132kV Line W.Phaileng to Marpara - 59km zet a thui North Eastern Region Power System Improvement Project (NERSIP) hnuaiah thawh mek a ni a. He project man hi Rs 10183.04 lakh a ni.

16. PUBLIC HEALTH ENGINEERING DEPARTMENT (WATSAN DIVISION) Rural Water Supply under Jal Jeevan Mission (JJM) hnuaiah Functional House Tap Connection 2,173 siam zawh tawh a ni. Augmentation of Greater Mamit Water Supply Scheme Part – I (Raw water) Rs. 6.70 crore NABARD hnuai atanga thawh chu 06.07.2022 ah zawh fel a ni.
· Augmentation of Greater Mamit Water Supply Scheme Part – I (Clear Water & Distribution System) Rs. 40 crore DoNER North East Special Infrastructure Development scheme (NESIDS) atanga sanction hmun chu kumin kum tawp lama hna tan tura ruahman mek a ni. Sanitation Swach Bharat Mission (Gramin) Phase – II hnuaiah Individual Household Latrine (IHHL) – 359 units. OFD Plus Village – 27 Nos. leh OFD Plus Block – Reiek Block te neih belh a ni.

17. PUBLIC WORK DEPARTMENT (PWD)
I. Pradhan Mantri Gram Sad Yojana (PMGSY):
MAMIT – PHAIZAU KAWNG : PMGSY hnuaiah Mamit – Phaizau kawng sei zawng 2.00 kms hi December 2021 khan thawh zawh a ni. KAWNMAWI – CHHIPPUI KAWNG : PMGSY hnuaiah Kawnmawi – Chhippui kawng hi thawh niin a sei zawng 2.11 kms atangin 77% zawh tawh a ni.
PHULDUNGSEI – PARVATUI KAWNG : PMGSY hnuaiah Phuldungsei – Parvatui kawng hi thawh niin a sei zawng 21.13 kms atangin 54% zawh tawh a ni. TUIPUIBARI – ANDERMANIK KAWNG : PMGSY hnuaiah Tuipuibari– Andermanik kawng hi thawh niin a sei zawng 2.760 kms atangin 85% zawh tawh a ni. ANDERMANIK – N. BELKHAI KAWNG : PMGSY hnuaiah Andermanik– N. Belkhai kawng hi thawh niin a sei zawng 5.680 kms atangin 35% zawh tawh a ni. II. ECONOMIC IMPORTANCE & INTER-STATE CONNECTIVITY (EI & ISC):
TUIPUIBARI – W. KAWNPUI KAWNG : EI & ISC scheme hnuaia Tuipuibari – W. Kawnpui kawng thawmthatna Phase-I (0.00 – 9.00 kmp) hi a sei zawng 9.00 kms atangin 17.70% zawh tawh a ni.

18. PUBLIC WORK DEPARTMENT (NATIONAL HIGHWAY)
1. Widening to 2-lane, Re-alignment, Geometric Improvement from 11.00 Km to 114.618 Km of NH-44'A', Sairang-Lengpui-Mamit-Tuidam-Tripura in the state of Mizoram under Phase 'A'
Sanction Amount : Rs. 624.41 Crores (MORTH Fund 2010)
R.C.E.-1 Amount : Rs 713.50 Crores
Agreement Amount : Rs. 761.64 Crores
R.C.E.-II Amount : Rs. 922.67 Crores
Name of Contractor : Gayatri Projects Ltd.
Upto date Physical Achievement hi 90.02% a ni.
i. Construction of Steel Arch (Semi Through) bridge with concrete deck 90m arch span over Tlawng at Km 5.200 on NH-44 A in the state of Mizoram on EPC mode. Sanction Amount : Rs. 42,44 Crores
Agreement Amount : Rs. 42,44 Crores
Name of Contractor : Poddar Construction Company. Upto date Physical Achievement hi 12.57% a ni. ii.PMGSY WORKS. PMGSY-II: Construction & Maintenance of Sairang -Lengte-Nghalchawm Sanction Amount : Rs. 992.00 Lakhs
Agreement Amount : Rs. 992.00 Lakhs
Name of Contractor : Lalfamkima, Ramhlun North
Upto date Physical Achievement hi 29.83% a ni. Patch repair of Approach Road to Mamit from NH-44A upto Mamit Playground.
Estimate Amount : Rs. 60.13 Lakhs Physical Achievement : 100%
2. Improvement of Junction for approach Road to Mamit Town with NH-44A
Estimate Amount : Rs. 37.00 Lakhs
Physical Achievement 100%
Repair of bad patches of existing NH-44A on internal road to Rawpuichhip (Balance work 2.00Km)
Estimate Amount : Rs. 25.00 Lakhs
Physical Achievement : 100%

19. ENVIRONMENT, FOREST AND CLIMATE CHANGE DEPARTMENT (EF&CC) Fire Prevention & Control Operation hnuaiah NGO te nen tang tlangin meikawng km 28 a thui phiahfai a ni.Meikawng thar km 11 a thui leh a awmsa km 8 a thui cheithat a ni bawk. Kum 2022 Fire season chhungin Local NGO te nena tang tlangin Fire Prevention Awareness District chhungah neih thin a ni. Green Mizoram Day 2022 chu ni 10.06.2022 khan hman a ni a, Planting Agency 40 ten thingtiak 350 an phun a, thingtiak phun tur 4,422 semchhuah a ni bawk. Kum 1999 atanga kumin thlengin Mamit Forest Division hian thingtiak 1,09,977 a phun tawh a ni. Wood Based Industry hnuaiah Primary Licence 10 pekchhuah tawh a ni a, Secondary Licence 9 pekchhuah tawh a ni.Forest Development Agency hnuaiah VFDC kaltlangin kum 2021-2022 chhungin kum khatna Hectare 190 a zau leh kum hnihna Hectare 190 a zau bawk enkawl mek a ni. Kum 2021-2022 chhungin Forest revenue Rs. 55,18,859/- leh tun kum kal mekah Rs. 15,61,119/- hmuh tawh a ni.

20. POLICE : Kum 2021-2022 chhunga Mamit District Police hmalakna tlangpuite : CRIME: Kum 2021-22 chhung hian case 146 register a ni a, heng zinga case 135 hi chargesheet an ni a, case 11 pending la awmte chinfel tura bawhzui mek a ni. Kumin 2022 July thla thlengin Case 91 ziahluh a ni a, 63 Chargesheet ni tawhin heng case a dan bawhchhia mi 83 te chu man an ni tawh.
GENERAL LAW AND ORDER: Mamit District chhung hi dan leh hrai kenkawhna lamah a ralmuangin, a hlawhtling hle. Police station hrang hrangte, Outpost leh Border Outpost te hian an area chhungah ngawrh takin Foot Patrolling an nei reng a ni. INTER STATE BORDER ISSUE: Inter-State boundary Assam nena buaina June, 2021-a thleng avanga buaina leh in ralrin nan Chuhvel khua leh a chhehvel ram te uluk taka ven chhunzawm a ni a. Inter State Border te chu remna leh muanna a awm zel theih nan uluk taka ven zui zel an ni.
Heng bakah hian Police hmunte cheithat hna thawh a ni a, District chhunga khaw hrang hrangah Awareness Campaign on Drug Abuse buatsaih niin zirtirna hi zirna inah te pawh kalpui a ni a, chhunzawm chhoh zel tum a ni.

21. DISTRICT CHILD PROTECTION UNIT INSTITUTIONAL CARE
District Child Protection Unit hnuaiah hian naupang Home (Child Care Institution) pathum a awm a, chungte chu mipa naupang tan Joshua’s Home, hmeichhe naupang tan Buannel leh naupang dan bawhchhiate tan Observation Home te an ni.
NON- INSTITUTIONAL CARE
i) Foster Care - Foster Care hi naupang pathum (3) hnenah pek mek a ni.
ii) Sponsorship – Kum 2021 2022 chhung hian, naupang rethei leh tanpui ngai zual bik 41 te hnenah sponsorship hi an educational, medical leh nutritional support atan thlatin Rs 2,000/- (cheng sang hnih) an Bank Account kaltlanga pek mek an ni.
AWARENESS, SENSITIZATION AND CAPACITY PROGRAMME :
Awareness Campaign, Sensitization Programme leh Capacity Building Programme hi Child Protection Services hnuaia thawkte, zirlaite, zirtirtute, NGO-te, Police-ah te leh khawtlangah te vawi engemaw zat huaihawt a ni.
COUNSELLING :
Counselling hi naupang a bika enkawl leh venhim ngaite leh naupang dan bawhchhiate hnenah pek thin an ni a, naupang mai bakah an nu leh pate hnenah pawh a tul dana zirin pek thin an ni a, kum 2021-2022 chhung hian Counselling hi naupang 28 leh nu leh pa 40 te hnenah pek a ni.
CHILD WELFARE COMMITTEE (CWC) :
CWC hi naupang enkawl leh venhim ngaite chungthu ngaihtuah tura sawrkarin a ruat a ni a. 1st Class Magistrate thuneihna neiin kartin Thawhlehni leh nilaini apiangin heng naupangte chung thu hi Juvenile Justice Act, 2015 zulzuiin an rel thin a ni. JUVENILE JUSTICE BOARD (JJB) :
JJB hi naupang dan bawhchhiate chungchanga Juvenile Justice Act, 2015 zulzuia ngaihtuahtu an ni a, Principal Magistrate pakhat leh naupang dan bawhchhiate enkawlna chungchanga thiamna leh tawnhriat nei mi pahnih Board member an ni a, thla khatah vawi hnih an thu thin.
SPECIAL JUVENILE POLICE UNIT (SJPU) :
Special Juvenile Police Unit hnuaiah hian Juvenile & Child Welfare Police Officer chu Mamit District chhunga Police Station leh Outpost tinah din a ni.
CHILD PROTECTION NODAL TEACHER :
Child Protection Nodal Teacher hi mi 284 (zahnih sawmriat leh pali) ruat niin, heng Nodal Teacher te hnenah hian training pek vek tawh a ni. Mamit District chu bial hrang pali - Mamit, Zawlnuam, Reiek leh West Phailengah te then an ni. Heng Nodal Teacher-te hian naupang chunga hleilenna, naupang harsatna neite leh dan bawhchhia an hriatte chu DCPU ah an report thin. VILLAGE LEVEL CHILD PROTECTION COMMITTEE (VLCPC) Village Level Child Protection Committee (VLCPC) chu ni 22 July, 2016 khan din a ni a. VLCPC chu Mamit District chhunga khaw 87 (sawmriat pasarih) ah din a ni a. Zone 7 (pasarih) ah then niin, Mamit, Reiek, Zawlnuam, West Phaileng I & II, Rawpuichhip leh Kawrthah te an ni. DISTRICT LEVEL INSPECTION COMMITTEE (DLIC) : DLIC chuan district chhunga Child Care Institution (Naupang Home) awm zawng zawngte chu quarter tinah uluk takin enfiahna (inspection) neih thin a ni. Kum 2021-2022 chhungin inspection hi tum 12 neih a ni. JAIL INSPECTION COMMITTEE :
Jail inspection committee chuan District chhunga Jail-ah te naupang tang palh emaw khung palhte an awm em tih quarter tin an enfiah (inspect) thin a ni. KAWNGKAM LIBRARY :
Charkawn leh Bazar Veng, Mamitah Kawngkam Library (nghaktu awm lo library) hi October 29, 2020 khan din a ni a, heng library-ah hian naupang venhimna dan leh naupang kaihhnawih lehkhabu chi hrang hrang dah niin vantlang tan a thlawna hawh theiha siam a ni. HOARDING DISPLAY :
Kum 2021 chhung khan DCPU chuan Child Protection, POCSO Act leh Adoption chungchanga zirtirna leh awareness angte hoarding hmanga siam 15 a tarchhuak. CHILD FRIENDLY CORNER :Child Friendly Corner chu Police station 5 ah leh Outpost 1 ah din tawh a ni a, hei bakah hian District Court ah din a ni bawk.
NAUPANG CHAWLHBUK :
Naupang Chawlhbuk hi ni 10 May, 2019 ah Village Level Child Protection Committee, Bazar Veng nena tang kawpa din a ni a. Naupang Chawlhbuk hian a tum ber chu naupang sikul bang khawlai a awm mai mai lova an hun awlte tangkai zawk a an hman nan leh hma an sawn theih nana din a ni a. Thawnthu chhiarte, infiamnate leh faina chungchang zirtirna atan hun hman thin a ni. Naupang Chawlhbuk a hun hman a nih apiang hian naupangte tan eitur sem thin a ni bawk a, hetiang a eitur sem a nih hian naupangten nuam an tiin naupang hipna tha tak a ni bawk a ni.Amaherawhchu, he Naupang Chawlhbuk programme hi Covid 19 hrileng mek avangin chhunzawm theih a ni rih lo a ni.

22. SOCIAL WELFARE DEPARTMENT (ICDS)
District Office (ICDS) Mamit hi District Programme Officer (DPO) hnuaiah kum 2017 khan Mamitah hawn a ni a, tunah hian Establishment staff 5 awmin Scheme 2 (PMMVY leh Poshan Abhiyaan) hnuaiah staff 4 an awm mek a ni.
Mamit District hnuaiah Project 3 a awm a, chungte chu:
1. Reiek ICDS Project
2. W. Phaileng ICDS Project leh
3. Zawlnuam ICDS Project te an ni

Reiek ICDS Project hnuaiah hian Anganwadi Centre 80 awmin, W.Phaileng ICDS Project hnuaiah Centre 106 leh Zawlnuam ICDS Project hnuaiah Centre 96 a awm bawk. Heng ICDS Project Office 3 te hi Child Development Project Officer (CDPO) leh Clerical Staff ten an thutchilh a ni. Tun dinhmunah Anganwadi Centre a naupang inziak lut zat hi 12,893 an ni. Poshan Abhiyaan Scheme hnuaiah ICDS Digitisation kalpui niin Anganwadi Worker ten naupang an kaihhruaina kawngah hma an sawn theih nan leh samkhai nan Smartphone 282 semchhuah a ni bawk. Tin, heng bakah hian Anganwadi Centre zawng zawngah naupang thanthu/thangduang lo an lo tlem nana an dinhmun enfiah reng theih nan Stadiometer, Infantometer leh Weighing Scale te dah a ni bawk. January 2021 atanga December 2021 chhungin PMMVY Scheme hnuaiah hian beneficiary 914 awmin Reiek ICDS Project ah beneficiary 231, Zawlnuam ICDS Project ah beneficiary 403 leh W.Phaileng ICDS Project hnuaiah beneficiary 280 an awm mek. Beneficiary zawng zawngte hnenah hian avaiin Rs.36,71,000/- (Nuai Sawmthum paruk singsarih sangkhat) semchhuah niin, Reiek ICDS Project ah Rs.747000/-, Zawlnuam ICDS Project ah Rs.1722000/- leh W.Phaileng ICDS Project ah Rs. 12,02,000/- semchhuah tawh a ni a, heng Raipuar (Fa tir) tanpuina hi DBT (Direct Benefit Transfer) hmanga semchhuah a ni.

23. LOCAL ADMINISTRATION DEPARTMENT (LAD)
Kum 2021 atanga 2022 chhung hian Mamit District huam chhunga Village Council 89 hnenah 15th Finance Commission Grant atangin Rs. 9,11,40,000 hmangin khawtlang development hna hrang hrang thawh nan sem chhuah a ni.

24. FIRE AND EMERGENCY SERVICES : Mamit Fire Station chu kum 2021-2022 chhungin in kangah tum thum leh chhiatna dangah vawikhat tlanchhuah a ni.
· Ni 25.11. 2021 zan khan Mamit Fire Station chuan mipui hnenah halpuah leh halmawi hal lo tura ngenna leh kangmei laka fimkhur tura ngenna street campaign a nei.

25. 4th IR Bn., LUANGPAWL, MAMIT : Cheng Vaibelchhe khat senna tur Office building Battalion Headquarters, Luangpawl a sak chu chhunzawm mek zel a ni. Mizoram leh Assam ramria buaina chhuakah a tul ang zelin duty a ni a. Tunah hian ramri hmun hrang hrang heng Chuhvel, Medili leh Thinghlunah te Out Post siam niin force duty tir mek an ni.

26. EXCISE AND NARCOTICS DEPARTMENT : Mizoram Sorkarin a Lockdown a puang chung leh Mamit District chhunga Covid-19 case a san chhoh zel karah kum 2021 chhung khan District chhungah Zu leh Ruihlo tawlhruk leh hman sualna a pung niin a hriat a. Heng dan loa chet lakna te thunun a, do let turin hri leng karah ngawrh taka duty thin a ni. Mamit khawchhung mai bakah District chhunga khaw hrang hrangte tlawh kuala duty thin a ni bawk a. Kum 2021 chhung khan Anti Drugs Awareness campaign hi District chhungah tum li neih hman a ni a, thalai leh tleirawl zawk mi za chuang fe in an chhim a ni. Hrileng avangin tum ang leh ruahman angin duty kalpui theih loh chang awm thin mah se, a hnuaia tarlan ang hi Station atanga kum 2021 chhunga hnathawh tlangpui a ni. Kum 2022 chhungin The Narcotic Drugs & Psychotropic Substances Act 1985 leh The Mizoram Liquor Prohibition Act 2019 hnuaiah thubuai 426 ziahluh niin, mihring 298 man an ni. Hemi hun chhung hian heng tarlante hi man a ni: Rakzu ltrs 2866, zu bilh lai tin 1854, zu bilh nana hman bungbel 281 nos, Dawidim 11 kgs, IMFL (750 ml) 246 bots, IMFL (375 ml) 24 bots, Wine (650 ml) 83 bots, FML (Soju 360 ml) 41, Heroin 2.55 Kgs, Ganja 81 kgs, Codeine 732 phials, Lorazepam/Diazepam 3420 tablets, Vehicle (LMV) 18 nos, Vehicle (2 wheelers) 9 nos.

27. GOVT. MAMIT COLLEGE : Ministry of Tribal Affairs atangin College Girls Hostel-a Solar Backup siam na tur cheng nuai 8 leh pianphunga rualbanlote tana Toilet siamna tur cheng nuai 20 dawn a ni a hna hi thawh zawh tawh a ni.
· Tin, NITI Aayog atangin Power Backup leh Internet Connectivity atan Rs. Nuai 60 leh E-Library dinna tur cheng nuai 40 sanction te chu approval hmuh fel tawh a ni bawk. Govt. Mamit College chu Grade B+ ah National Assesment and Accreditation Council (NAAC) chuan April ni 5, 2022 khan a hlangkai bawk a ni. MZU in B.A Exam May 2022 a a tihchhuahah Govt. Mamit College chuan 91.30% pass percentage a nei a, zirlai MK Bertilla chuan English subject ah 8th rank dinhmun a hauh.

28. DISTRICT INSTITUTE FOR EDUCATION AND TERAINING (DIET): Kum 2021-22 chhungin D El.Ed pass chhuak mi 47 an awm. Mater Trainers (Transformation of Aspirational district) chu 15th feb. – 3rd March, 2022 khan DIET, Mamitah neih a ni. Mini-National chievement Survey ch Mamit District huam chhunga school 150 ah class –III, V leh VIII te tan exam buatsaih a ni.
· DIET Building chung chu extend a niin, building thlangah Boys Hostel tur sak mek a ni bawk.

29. DISTRICT JAIL : District Jail, Mamit chu ni 23.9.2016 khan hawn a ni a, tunah hian jail ah mi 37 an awm mek a ni. Jail chhungah hian administrative building, custodial buildings leh medical inspection building te awmin, staff quarter 13, security guard-te tan barrack 3 a awm a, tranformer pakhat leh tuizem tanky 3 a awm bawk. Jail-a thawtu sanction post 35 atangin 25 hnawhkhah a ni.
Jail tangte siamthatna leh nun kawngdik an zawh theih nan, Mamit khawchhunga kohhran hruaitute leh NGO hrang hrangte nen tangkawpin thlarau lama intuaitharna leh intihhlimna hrang hrangte neih pui thin an ni.

30. DISTRICT PANCHAYAT RESOURCE CENTRE (DPRC) Training on Sustainable Management of Sanitation and Health under SBM(G) chu ni 13 -16 April, 2021 khan MHIP, Ailawng Branch (Batch 1) te tan buatsaih a ni a.Training on Sustainable Management of Sanitation and Health under SBM(G) chu ni 20 -23 April, 2021 khan MHIP, Ailawng Branch (Batch 2) te tan buatsaih a ni.Online training on refresher Course for Sapanch and other elected representatives chu ni 26-27 July, 2021 khan Mamit khawchhunga VC te tan buatsaih a ni. Online training on Health & Nutrition to attain SDGs for VCs, NGOs & Rural Youth Zawlnuam RD Block chu ni 1-2 September, 2021 khan Mamit khawchhunga VC, NGO leh thalaite tan buatsaih a ni.
Online Training on Records & Accounts Keeping for VC Treasurers & Secretaries Zawlnuam RD Block chu ni 13 -14 September, 2021 khan Mamit khaw chhunga VC Treasurer leh Secretary te tan buatsaih a ni.
Training on General Orientation & Own Source Revenue for Elected Representative chu ni 30 November - ni 3 December, 2021 khan Zawlnuam RD Block chhunga VC te tan buatsaih a ni bawk.

Heng bakah hian heng a hnuaia Training-te hi kalpui a ni bawk.
Orientation Training on SAGY (15th – 18th February, 2022)
· General Orientation & OSR Training for newly Elected Representative of RD Blocks (22nd – 25th February, 2022)
· Training on sector Enablers as Agents of Change for women Representatives & Village Council Members (8th – 11th March, 2022)
· Training on PRI-SHG for RD Blocks (14th – 17th March, 2022)
· Hand on Training for Rural Water Supply Operation under Jal Jeevan Mission (28th – 31st March, 2022)

31. ECONOMICS & STATISTICS DEPARTMENT
ISSUE OF BIRTHS & DEATHS CERTIFICATE:
Kum 2021 chhungin DRO Office atangin Birth Certificate 676 leh Deaths Certificate 24 pekchhuah a ni a. Heng atanga revenue tlingkhawm Rs. 5,19,800/- (Nuai Nga Singkhat Sangkua leh Zariat) hi sawrkar Treasury-ah chhun luh a ni tawh a, tun kum kal lai mekah hian Birth certificate 271 leh Death Certificate 29 pekchhuah tawh a ni a, heta tang hian Sorkar sum bawmah Rs. 2,11,900/- chhunluh tawh a ni.

CONSUMER PRICE INDEX REPORT: DRO office hian item chi hrangah thil mante market remchangah khawn khawmin CPI a buatsaih thin a. Hei hi Directorate, Economics & Statistics Department hnenah thla tin thawn a ni.

COLLECTION OF DATA ON IIP & FHP: Office hian kumtluana Industrial production leh Farm Harvest Price thla tin khawnkhawm thin a ni a, hei hi Directorate Economics & Statistics Department ah report thin a ni bawk.

METEOROLOGICAL DATA: Meteorological Data heng: temperature, humidity, wind speed leh rainfall te hi meteorological site DRO office atanga lak niin, report hi thla tin Directorate, Economics & Statistics Department ah thawn thin a ni.

32. LAND REVENUE AND SETTLEMENT DEPARTMENT (LR&S)
Financial Year 2021 – 2022 chhunga Land Revenue & Settlement Office hnathawh tlangpui chu hetiang hi a ni e:

1. LSC (Land Settlement Cert) issue zat : 75 nos.
2. LSC (Transfer of ownership) process zat : 66 nos.
3. House Pass issue zat : 66 nos.
4. Periodic patta issue zat : 19 nos.
5. Land Dispute Case chinfel zat : 43 nos.
6. Renewal of Periodic Patta : 116 nos.
7. LSC Mortgage : 69 nos.
8. Stamp and Registration fee : Rs.8,32,718/-
9. Non Tax Collected (P.patta renewal/
mutation of P.Patta or LSC/ fee,etc : Rs 5,05,776/-
10. Amount of tax Collected(from LSC,
House Pass, P.Patta, Shop or Stall etc : Rs 28,13,958/-

33. TRANSPORT DEPARTMENT : Kum 2021-2022 chhung in District Transport Office, Mamitah lirthei chi hrang hrang 424 register a ni a, Driving Licence 395 pek chhuah a ni bawk. Chhiah chi hrang hrang atangin Rs.64,36,338/- hmuh a ni.

34. TAXATION DEPARTMENT : Taxation Department, Mamit Zone hnathawh ber chu sorkarin dan hrang hrang a siam hmanga sorkar tana chhiah lakkhawm a ni.

Heng chhiah lakkhawmna atan hian dan (Act) chi hrang hrang hman a ni a. Chung dante chu - The Mizoram Goods and Services Tax Act, 2017; The Mizoram Profession, Trades, Callings & Employment Taxation Act, 1995 leh The Mizoram Sales of Petroleum and Petroleum Products (Including Motor Spirit and Lubricants) Taxation Act, 1973 te an ni a. Heng dan hnuaia chhiahte hi danin a sawi anga pe theite hnen atangin lakkhawm a ni. Kum 2022-2023 Financial Year (30th June, 2022 thleng) chhunga Taxation Department, Mamit Zone in chhiah (tax) a hmuh zat chu :
1. State Goods & Services Tax : Rs. 62,46,465/-
2. Profession Tax : Rs. 5,01,354/-
Total : Rs. 67,47,819/-
Heng bakah hian the Mizoram Societies Registration Act, 2005 leh The Indian Partnership Act, 1932 hnuaiah a tul ang zel a hma lak a ni.Tin, tunah hian Taxation Department Mamit Zonal Office building thar hi Mamit Dinthar Vengah sak zawh tawh niin luah a ni tawh a ni. (KVI) kaltlanga
PMEGP (Prime Minister Employment Generation Programme) scheme hnuaiah Application 47 nos dawn atangin 45 nos Bank lamah forward a ni.

35. DISTRICT INDUSTRIES CENTRE (DIC) Kum 2021-2022 chhung hian Covid 19 avanga phai atanga thalai hnathawk lo hawte tan EDP training ni 3 awh mi 50 chuang tan buatsaih a ni. Hemi bakah hian thilsiam hmanga eizawngtu (Entrepreneurs) mi 89 in Udhyam hnuaiah an inziak lut a, hemi hun chhung hian India Sorkar ruahmanna pakhat PMEGP chanchin zir chianna hun ni 2 awh buatsaih a ni a, thalai hna nei lo mi 50 chuang leh Sorkar mi leh khawthlang hruaitu mi 25 ten an chhim. PMEGP Bank loan la mi 23 hnenah Sorkar tanpuina cheng nuai 63 sem ral a ni bawk.

36. MIZORAM COOPERATIVE APEX BANK (APEX BANK)
Loan: Central Scheme hrang hrangah PMEGP Loan hi mi 4 hnenah pek a ni tawh a. PMAY (Housing for All) hi mi 1 hnenah pek a ni bawk. Agriculture lama eizawngtute tan KCC Loan mi 10 hnenah pek a ni bawk a. Tin, heng bakah hian Housing Loan, Personal Loan, Business Loan leh Biak In sak nan te mi 63 hnenah Rs. 471 lakh pek chhuah a ni. PM Scheme hnuaia Insurance hi mi 45 hnenah kumin Financial Year chhung hian tih a ni a. Mipuite tana a awlsam zawk nan Mamit Field vengah ATM booth pakhat dah a ni.

37. INFORMATION AND PUBLIC RELATIONS DEPARTMENT (DIPRO)
I & PR Department hnuaia kum kal mek chhungin Press release : 126. VIP Cover : 16 Govt. Function Cover : 82 leh Advertisement : 5 pek tawh a ni.

38. NATIONAL YOUTH KENDRA (NYK) Training of youth on clean village green village: Reiek khawchhunga thalai 80 rualte hemi hnuaiah hian an training a, khawchhung vawnfai pawimawhna bakah faina leh thianghlimna lama tan la thar sauh sauh turin zirtir an ni a. Thing phun uar turin leh plastic hluihlawn awm lohna khua ni thei turin zirtir an ni bawk a ni. Neighbourhood Youth Parliament (NYP): NYP hi khaw 4 ah neih a ni a. Thalai 30-80 inkar in Dampui, Reiek, Mamit town leh Kawrthahah te an chhim a. Khawtlang tana tha nia an hriat, anmahni ngaihdan sawichhuahna hun an nei.

Catch the rain where it falls and when it falls: Catch the rain campaign hi Mamit district chhungah neih niin Deputy Commissioner, PHED leh thalai pawl (Young Mizo Association) te nena tangkawpa neih a ni. He campaign hian ruahtui khawlkhawm uar turin thalaite chu a fuih a, tuihnarte humhalh a tul zia leh pawimawh zia thalaite hnenah uar takin zirtir a ni bawk a, tui renchem taka hman a tul zia thalaite zirtir a ni bawk. Lemchan tawi hmang a campaign neih a ni bawk. Ministry of Jal Shakti in a rawn siam IEC material hrang hrang semchhuah a ni.
Fit India Freedom Run: India in zalenna a hmuh champhaphak vawi 75 na denchhenin Fit India Freedom Run hi Mamit district khaw hrang hrangah neih a ni a. Reiek, Rawpuichhip leh Mamit town-ah te programme hi hman niin NYK hnuaia thalai pawl 85 ten he hun hi hman a ni.
Clean India 2021: Clean India 2021 hi Mamit District-a khaw 70-ah hman a ni a, Khaw Fai ber Intihsiakna neih a ni. He hunah hian Thalai Pawl (Young Mizo Association) ten anmahni khua theuh tifaiin inelna an nei a. Deputy Commssioner, Mamit kaihhruaina hnuaiah District Level Committee on Clean India din niin, he Committee in ti tha a thlante chu hengte hi an ni:
1) Saithah Young Mizo Association.
2) Kanghmun Young Mizo Association.
3) Tuidam Young Mizo Association.

39. MIZORAM RURAL BANK (MRB)
Heng a hnuaia Govt. of India security scheme hrang hrangte hi kalpui a ni:
1. PMIDY Savings Account (Zero Balance Savings Account)
2.PMUJBY Life Insurance Policy
3. PMSBY Accidental Insurance Policy
4. APY-Atal Pension Yojona
Kum 2021-2022 chhungin PMIDY account 34699 neiin, PMIJBY hi 24789, PMSBY 7381 leh APY hi 460 neih a ni. Loan hrang hrang, a bikin kuthnathawkte tan leh ranvulh lama eizawngte tan a bika duan Agriculture loan te pek thin a ni a. Self Help Group (SHG) te, PMEGP loan leh insak tanpuina tur Pradhan Mantri Awas Yojana (PMAY) loan te pek a ni bawk. Tin Central scheme hrang hrang heng:- KCC, DAY-NULM leh Mudra loan te pek a ni a, PM SVANIDHI loan pawh Street Vendor te hnenah engemaw zat pek a ni bawk a ni.

40. DISTRICT RURAL DEVELOPMENT AGENCY (DRDA)
· MGNREGS: MGNREGS hnuaiah kum 2022 -2023 chhungin inhlawhna ni 28 atan siam a ni tawh a, Job Card holder 21,826 tan ni 3,73,696 inhlawhna siam a ni tawh a ni.
PMAY(G): Ku m 2021 2022 chhungin Rs. 117.00 lakh dawn a ni a. He sum atang hian Chenna In 90 sak peihfel tawh niin, In 49 sak mek a ni bawk.
PMKSY 2.0 hnuaiah Hectare 5,000 a zauvah Project kalpui mek a ni a, hemi atan hian sum cheng nuai 1,400 hmuh a ni.

41. BHARAT SANCHAR NIGAM LIMITED (BSNL)
Mamit Treasury Office ah 4 mbps air fibre system pawh luh a ni a, Mamit exchange leh Mizoveng Tower Bandwidth media 100 mbps a upgrade a ni bawk. Kawthah media chu 8 mbps atangin 25 mbps radio modem a upgrade a ni a, West Phaileng media chu 4 mbps atangin 25 mbps radio modem a upgrade ni bawk. Zawlnuam media pawh 25 mbps radio modem-ah upgrade a ni bawk a ni.

Vawiin India Independence Day lawmna-ah hian Parade Contingent 16 awmin School Contingent 14 leh Arm Contingent 1 bakah 20th Mizoram Bn NCC, Govt. Mamit College 1 an awm a ni. Parade Commander hi Inspector R. Lalbiakliana niin 2nd Commander hi S.I Lalngilneihthanga, 4th IR Bn te an ni. School Contingent lawmman pakhatna hi Presbyterian English School, Girls Contingent te'n an la a. Lawmman pahnihna hi Govt. Higher Secondary School, Girls Contingent te'n lain pathumna lawmman hi Govt. Middle School III te'n an dawng bawk a ni.

Independence Day lawmna pual hian Football, Volleyball bakah Badminton tournament buatsaih a ni a. GSA Playground-a Programme hman zawh anih hnu hian DC Bungalow-ah At home buatsaih a ni. Mamit District Hospital, Joshua Children's Home leh Buannel Children's Home bakah District Jail te khuallian hian tlawhin thilpek a hlan nghal bawk.

Mamit-a India Independence Day lawmna-ah hian Er. H. Lalzirliana, Mamit bialtu MLA, Sorkar Officials te bakah khawtlang mipui thahnem tak an tel a ni.