1445/2023-2024

Hnahthial the 10th August 2023: Vawiin khan Health & Family Welfare Department leh School Education Department tangkawp chuan Government Middle School Hnahthial-ah Rulhut Do Beihpui Thlakna (National De-Worming Day) an hmang tan a, naupang kum sawm pakua (19 years) hnuai lam hnenah rulhut hlo 'albendazole' an pe chhuak bawk.

Inkhawm hi Dr. Lalrengpuii Ralte, Chief Medical Officer, Hnahthial District chuan a kaihruai a, Pu Micky Lalenkawla, District Education Officer leh District Project Coordinator, Samagra Shiksha Abhiyan chuan rulhut in mihring-a a chhe zawnga hna a thawh dan leh mihring hriselna a tihchhiat theih dan te, a inkai chhawn dan bakah kai lo tura inven fimkhur a ngaihna hrang hrangte power point presentation hmangin a sawifiah a, August ni 17-ah mop-up day hman a nih tur thu a sawi bawk.

Hemi hnu hian Naupangte hnenah rulhut hlo 'albendazole' pek chhuah niin medical thawktute hmuh laiin eitir nghal vek an ni.