4390/2024-2025

Dated Hnahthial, the 22nd February, 2025: Hmeichhe naupangte chunga hleilenna tihtawpna tur atana Sawrkar laipui hmalakna- 'Beti Bachao Beti Padhao' kum 10 tlin lawmna kal zelah tukin zing khan District Hub for Empowerment of Women, Women and Child Development Department Hnahthial District bultumin ‘One Nation One Helpline Rally’ neih a ni a. He hunah hian Pu Lalhmangaihlua, Addl. SP chuan khuallian niin Rally-a chhuakte hi Bazar kawn atangin a vai liam a ni.

Rally vailiamtu Addl. SP, Pu Lalhmangaihhlua chuan Helpline hrang hrang - 112-Emergency, 181-Women Helpline, 1098-Child Helpline te hrilhfiahin heng emergency helpline hrang hrang te hi kan la hmang tangkai tawk lo hle a hriat thu te leh hmang tangkai tura kan zir a hun tawh hle thu te a sawi a. Tunah chuan sorkar laipuiin helpline pakhat biak a, kan duh helpline-a kaltir turin hma a lak mek thu sawiin chu hmalakna chu tunah hian tihhlawhtlin tum mek a nih thu leh hei vang hian tukin zingah pawh rally buatsaih a nih thu a sawi a ni.

Lalrinpuii, District Mission Coordinator, District Hub for Empowerment of Women, Hnahthial chuan rally tawpna hmun, DC office kawtah hun tawi hmangin kal khawmte hnenah lawmthu a sawi a. Helpline hrang hrang hmang tangkai turin kalkhawmte chu chahin Rally hi a khar a ni. 

Rally-ah hian Women and Child Department hnuaia peng hrang hrang - District Child Protection Unit, One Stop Centre leh District Hub for Empowerment of Women te bakah YMA te, VC te leh Home Department lam te an tel a ni.