4389/2024-2025

Lunglei, 2025 Ramtuk thla ni 21: State Level Sub-Committee on Fire Prevention meeting ni 27.01.2025-in a rel ang leh kangmei laka mihring, in leh bungrua, ramngaw leh nungchate kan him tlan zawk nan Lunglei District-a Additional District Magistrate Pu James Miahlung chuan vawiin, February ni 21, 2025 khan Section 163, Bharatiya Nagarik Suraksha Sanhita (BNSS), 2023 tlawh chhanin Lunglei District mipuite zawm turin a hnuaia thupek hi a chhuah.

"1. Lo/huan hal turte chuan March ni 15, 2025 ral hma ngeiin hal vek tur a ni.

"2. Lo/huan hal turte'n mei lam/mei kawng sial hmasa lovin an hal tur a ni lo.

"3. Mi tu mahin ram tihkan loh tur a ni.

"4. Ramhnuaiah meizial bung paih mai mai loh tur a ni a, mi tu mahin mei chhem timit lovin an kalsan tur a ni lo.

"5. Kangmei lakah kan him theih nan kan in leh a velte tifai ṭhain, awlsam taka kang kai thei thil (khawnvartui, petrol, diesel, etc.) lakah kan fimkhur tur a ni.

"He thupek hian thu leh awm hma chu chhuah a nih aṭanga thla hnih (2) chhung a huam ang a, thupek zawm lote chu Section 223, Bharatiya Nyaya Sanhita (BNS), 2023 hmangin hrem theih an ni."