Mizoram hmundang rualin vawiin khan Hnahthial khuaah India Independence Day vawi 70-na lawm a ni a. He hun hmanpuitu Parliamentary Secretary Pu KS Thanga chuan vawiin chawhma dar 10 khan Hnahthial play ground-ah Hnam Puanzar pawtparh in, parade contingent-ten hnam puanzar chibai an buk chu a chhanglet a ni.

Pu KS Thanga chuan Sorkar hmalakna hrang hrang te, Hnahthial khua leh a chhehvel a Sorkarin hmasawnna kawng hrang hranga hmalakna a kalpui mek te a thusawiah tarlangin, mipuite chu hmalam pan a Sorkar in ke a pen mekna kawng ah thawhpui turin a sawm a ni.

Independence Day lawmna Parade intihsiaka contingent tihtha ber a thlan 1st Govt. High School, Hnahthial hnenah leh Office dawr nuam ber a thlan 1st KVK, Hnahthial hnenah khuallian hian lawmman a hlan nghal a. Mizo Footballer hlawhtling Jeje Lalpekhlua, Hnahlan khua chu football hmanga Mizoram ti hmingthatu a nih vanga Independence Day puala Hnahlan Officers' Club ten chawimawina an pek chu Parliamentary Secretary hian a hlan bawk.

Attachment

  • Loading attachment...