India Independence Day vawiina India ram hmun hrang hrang leh Mizoram District leh khaw hrang hranga hman mek chu W.Phailengah pawh Pu Lalrobiaka MLA hovin hmanpui.

India ram zalenna tura an nunna hial chantu hnam pasaltha zahna chibai buka thu sawiin Pu Lalrobiaka chuan tunah chuan India ram pawh in khawvel hriat tham khawp a langsar in thiamna hrang hrang ah a sang tawh a. Chutih rualin Mizoram pawh in hma a sawn chho ve zel a, thangthar duhawm tak tak te infiamna lam leh eizawnna dangah te Mizo ti hmingthatu ni in hming an rawn chher chho a,a lawmawm em em ani a ti a. Sorkar pawhin ngaihtuahna tam tak seng in mi harsa zawkte dawmkan dan ngaihtuah chung zel in ram mipuite harsatna sutkianpuia hmalak dan te a sawi bawk.He ni bik atana lawmman te Khuallian Pu Lalrobiaka hian a sem nghal.

W.Phailenga Independence Day hmanna ah hian March past parade neih anih bakah zirlai naupang te Dumb bell show entir a ni a, YMA zaipawl leh Joint YMA Cheraw te en tur a awm bawk ani. Pu Lalvenhima SDO/BDO chuan programme tluang taka hman anih na ah hun tawp khar in lawmthu a sawi ani.