Vawiin chawhma dar 10 : 15 khan District Playground Siaha-ah India Independence Day vawi 70-na chu ropui leh urhsun taka lawm a ni.

He Ni lawmna ah hian Pu PC Lalthanliana Honble Cabinet Minister, Government of Mizoram chu Khuallian niin Hnampuanzar pawtparh in Parade Chibai a chhanglet a, Independence Day thuchah sawiin Minister chuan Mizoram sawrkar chuan Dan leh Thupek kenkawh chungchangah Mizoram sawrkar chuan mipuite himna turin theihtawp chhuahin hma a la a ni a ti a, Mizoram Police te tichak turin hmasawnna ruhrel tam tak din a ni a ti bawk. Economic Survey 2014-15 in a tarlan danin NLUP in hmasawnna kawngah rah tha a chhuah zel a ni tiin NLUP Implementing Board chuan thlai thar chhuah te tihralna tur Market thlengin a ngaihtuah a ni a ti bawk. UN Joint Initiative Project hnuaia Agency te pawhin hna an thawh tan tawh thu sawiin Food and Agriculture Organization (FAO) chuan tlang pangper a Buh leh Thlai dang chin dan thar an hmuhchhuah ngei a beisei thu a sawi bawk. Kumin 2016-2017 chhungin NEDP ah Cheng nuai 25000 dah a nih thu a sawi a, heng Project hrang hrang “Chief Minister’s Rural Housing Scheme, Improvement of Referral Hospital , Falkawn, Aizawl City Road Junction Improvement Project leh New Secretariat Complex Development te pawh thawh tum a ni a ti bawk. Loneitute hamthatna tur sawrkarin a ngaihtuah a ni tiin Horticulture College Lungphum pawh June 18, 2016 khan Selesih College of Veterinary Sciences huam chhungah phum a nih tawh thu a sawi bawk.

Heng bakah hian Siaha District chhungah PWD Department hnuaiah heng hna hrang hrang “Construction of Laki to Vahia Road Under NABARD Loan, Pavement of No-aotlah to Chakhei Road Under PMGSY, Pavement of Siachangkawn to Vawmbuk Road under PMGSY, Pavement of Rawlbuk to Lungtian Road under PMGSY, Pavement of Kaochao ‘E’ to Saikao Road under PMGSY, Construction of Tokalo to Lomasu Road under PMGSY, Pavement of Saikao to Tipa’L’ Road under PMGSY, Pavement of Theiri to Tisi Road under PMGSY te thawh mek a nih thu a sawi bawk. Tin, heng mai bakah hian Siaha District chhungah kawng laih a hma lak tharna tur panga Detail Project Report siam mek a awm thu a sawi a ni.

Power & Electricity lama kan intodelh theih nan nasa taka hma lak a nih thu sawiin 60 MW Tuirial Hydro Electrict Project pawh peih tep a nih tawh thu a sawi a, hemi bakah hian hmun thumah Mini Hydel Project siam tum a hmalak mek a nih thu a sawi bawk. Siaha District chhungah PHE Department pawh in mipuiten Tui hnianghnar zawka kan hmuh theih nan hma nasa takin a lak thu sawiin “National Rural Drinking Water Proramme” hnuaiah heng khua Ahmypi, Iana,Saikao, Kaochao‘E’,Lope, Leisai, Lodaw, Chhaolo,Khopai,Chapi,New Laty, Chakhei, Lobo, No-aotlah, Iana, Bymari,Tisopi, Amobyu, Tokalo, Zyhno, Bualpui ‘NG” leh Lungzarhtum khua-ah te hma lak mek a nih thu a sawi bawk. UD&PA hmalakna in “Swachh Bharat Mission (Urban) Programme” pawh Siaha District-ah chak taka kalpui mek a nih thu sawiin “Integrated Housing & Slum Development Programme” hmangin chhungkaw 200 te chenna In tur sak tawh a nih thu a sawi bawk. Siaha khawpui chhung a chenna In nei lote chu “Pradhan Mantri Awas Yojana” hmanga In sak sak vek tum a nih thu a sawi a, khawpui chhunga miretheite eizawnna ngialnghet siam sak hi sawrkar thiltum pawimawh tak a nih thu a sawi bawk. Hmasawnna hi zirna nen hian a in zawm tlat thu sawiin Zirna tih hmasawnna turin sawrkar chuan theihtawp a chhuah a ni tiin sawrkar chuan Mipuite hriselna ngai pawimawh in “State Referral Hospital, Falkawn ami pawh chei that tum mek a nih thu a sawi bawk.

He Independence Day lawmna ah hian Parate Contingents 15 an awm a, Uniform Contingents leh School Contingents ah te then an ni. Uniform Contingents ah pakhatna M.R.H.G., pahnihna 2nd Bn MAP leh pathumna Mizoram Police te an ni School ,Contingents ah pakhatna Foxall Higher Secondary School, pahnihna Children Training School leh pathumna Hill Gate School te an ni. Contingents zawng zawnmg te Consolation Prize pek vek an ni bawk. He Independence Day 2016 lawmna pual hian District Jail, Hospitals leh Hnuchham In ah te thilpek hlanna neih ani a, chawhnu dar 1 : 00 ah sawmbikte pualin Thingpui in hona “AT HOME” chu C.E.M., MADC Quarter ah neih a ni. Independence Day lawmna pual hian heng Sports Item hrang hrang-Football, Air Rifle Shooting leh Badminton ah te inel na neih a ni.