4142/2023-2024

Hnahthial the 13th March 2024: Accounts & Treasuries, Southern Zone, Mizoram buatsaihin vawiin khan DC Conference Hall, Hnahthial-ah ‘One day Training on Pension & other retirement benefits for all DDOs and Dealing officials under juristiction of Hnahthial Treasury’ buatsaih a ni a, pension leh retirement benefit hrang hrang zirtirna hun hman a ni.

Pu Thara Lungtau, Joint Director, A&T Southern Zone chuan keynote address pein kalkhawmte chibai a buk a, pension chungchang inhrilhhriatna buatsaih a ni thei ta chu lawmawm a tih thu a sawi. Kar hmasa lamah Chawngte, Lawngtlai leh Siaha-ah te training hi hlawhtling taka an lo buatsaih tawh thu tarlangin hun hlawk thlak tak an hmanho leh ngei a beisei thu a sawi bawk.

DDO te tan Pension chungchang hriatchian a pawimawh hle a ti a, court pun buai ngai lova chinfel theih tam tak a awm tiin chutiang atana training buatsaih a nih thu a tarlang bawk. Pu Thara Lungtau chuan Right To Public Services Act 2015 chu sawrkar in a ngai pawimawh hle a ti a, a taka kalpui ngei a duh tiin chu dan chuan pension leh a kaihhnawih chungchang claim na ah pawh hun bituk a pek thu tarlangin DDO mawhphurhna hrang hrangte a tarlang bawk. DDO te chuan an hnuaia thawk ten a hun taka pension an lak theih nan an pension hun a thlen hmain an service document pawimawh kimchang a felfai em tih lo endik te, Lehkha pawimawhte chu a pension hun a thlen hma in A&T ah thawn thin tur a ni tih te hre thar leh turin a chah a, Pensioners ten office an dawr in ngai pawimawh thiam a, tha taka dawn sawn chu sawrkar hna thawkte tih makmawh leh dan pawhin a phut tlat a ni ti bawkin vawiin hun chu hlawk taka hmang theuh turin duhsakna a hlan nghal.

Vawiin training hi session 3 a then niiin 1st session chu hmelhriattirna leh keynote address neih hun a tan hman a ni a, 2nd session ah Pu PC Lalrammuanpuia, Audit & Accounts Officer chuan “Superannuation Pension & Related matters including voluntary & non- invalid” tih thupui hmangin training a pe a, 3rd session-ah Pi C Laldingliani, Audit & Accounts Officer chuan ‘Family pension including Passover & related matters’ tih thupui hmangin training a pe bawk. Zawhna leh chhanna hun te pawh hman nghal niin kalkhawmte hnenah certificate hlan nghal a ni a, Pu H Lalrinliana, Treasury Officer, Hnahthial chuan lawmthu sawiin hun a khar.