3839/2023-2024

Hnahthial the 15th February: Vawiin khan DC Meeting Hall, Hnahthial-ah District Bawrhsap Pu Chuauhnuna kaihhruaiin February ni 20-a State day of prayer, 2024 Hnahthial-a lawm dan tur relin District chhunga Head of Office te an thu khawm.

Inkhawm kaihruaitu District Bawrhsap Pu Chuauhnuna chuan State Day chu a hlu a, phuisui thei ang bera hman a pawimawh thu sawiin chutiang tur chuan inbuatsaih a tul a ti a, head of offices te phei chu intawiawm a tul hle tiin chu chuan zahawmna a keng tel a ti bawk. State Day hman a nih tur chungchang pawh a sawifiah bawk a ni. Meeting chuan State Day chu DC Conference Hall ah chawhma dar 11:00 hman tan ni se, head of offices bakah Hnahthial khawpui chhunga VC te, Sub Hqrs. YMA te, HKJC te, Sub Hqrs. MHIP, MZP hruaitu, MSU hruaitu te, Branch YMA hrang hrang sawm nise an ti a, programme tur pawh an duang fel nghal a ni.