3840/2023-2024

Hnahthial the 15th February 2024: Vawiin chawhma dar 11:00 khan DC Meeting Hall Hnahthial-ah District Bawrhsap Pu Chuauhnuna kaihhruaiin Hnahthial District Consumers' Union (HDCU) hruaitute an thukhawm a, March ni 15-a World Consumer Rights Day hman dan tur chungchang an sawi ho.

Meeting kaihruaitu District Bawrhsap Pu Chuauhnuna chuan thutkhawm chhan sawiin World Consumer Rights Day lo thleng tur chu hman ngei nise a ti a, MP Election an puan tawh dawn avangin election lamah buai deuh dawn mahse he ni hi consumer ten an dikna chanvo an hriat theihna turin hman ngei a pawimawh thu a sawi. Meeting chuan Hnahthial District Consumers' Union hruaituten World Consumer Rights Day 2024 hman dan tur duangin DC office-a thlen se, DC hova ngaihtuah that leh nise tiin inkhawm an ti tawp a ni.