1842/2023-2024

Hnahthial the 12th September 2023 : District Bawrhsap Pu Chuauhnuna hovin vawiin khan DC Conference Hall, Hnahthial-ah Socio-Economic Development Policy (SEDP) thawh hnihna (Phase II) hmalak tawhna leh kalpui dan tur chu District SEDP Committee Member-te nen sawiho a ni.

Vawiin thutkhawmah hian SEDP thawh hnihna chu chak taka kalpui a nih theih nan ruahmanna siam a ni a, Line department hrang hrang tên an hnuaia beneficiary an thlan tawhte tarlangin an hmalaknate an sawi ho a, karleh lamah chu?n beneficiary thlanchhuah leh tul dangte tih fel hman vek ni se tih rel niin line department ten beneficiary-te chu FOSEDP (Family-Oriented SEDP) hman dan tur chungchang inzirtirna leh inhrilhhriatna chipchiar takin neihpui se tih rel a ni.

Mizoram Sawrkar Flagship Programme SEDP thawh hnihna atan hian Hnahthial District huamchhunga South Tuipui Assembly Constituency-ah chuan khaw 22 atangin chhungkua 1488 thlan chhuah an ni.

Vawiin thutkhawmah hian Hnahthial District Bawrhsap bakah Addl DC leh Member Secretary, SEDP Board Hnahthial District ni bawk Pu Lalvenhima te, SDC Pi Betty Lalrinfeli bakah Hnahthial District Socio-Economic Developmemt Policy Committee Member-te an tel a ni.

SEDP chu mahni eizawnna (self employment) leh kuthnathawh bultan nan leh heng eizawnna kalpui mek ten hma an sawn zel nana an hman tur tanpuina pek a, Mizoram chhunga mimal leh chhungkua, a tam thei ang ber dinhmun tha zawk a hlankai a ni a. Hnahthial District Family Oriented SEDP hnuaiah hian line department 9 awmin Agriculture, Horticultire, Animal Hisbandry & Veterinary, Fisheries, Sericulture, Land resources, Soil & Water Conservation, Commerce & Indistries, UD & PA (Notified town hnuaia beneficiary-te tan) leh Tourism-te a awm a ni.