2229/2023-2024

Hnahthial the 9th Oct 2023: Hnahthial District Bawrhsap Pu Chuauhnuna chuan vawiin khan Election Commission of India (ECI) thuchhuah angin Model Code of Conduct hman tan ni atanga election result puan ni thleng awh tur thupek a hnuai ang hian a chhuah.

Election Commission of India chuah Mizoram State Legislative Assembly inthlan hun atan ni 07/11/2023 a ruat a, chuvangin Election Model Code of Conduct chu vawiin 09/10/2023 tanga hman tan a ni. Tin, Election Commission of India chuan lehkha No.464/INST/2009/EPS Dt.1.09.2009 para 3.6 hmangin inthlan neihna tur State zawng zawngah silai ken chhuah khap a ngaih thu a tichhuak tawh bawk a.

Chuvangin, Kei CHUAUHNUNA, District Magistrate, Hnahthial District, Hnahthial hian Section 144 CrPC, 1973 in thu neihna min pek hmangin Hnahthial District chhungah Silai eng chi pawh, Silai mu bakah puak thei thil engpawh he thuchhuah atanga Election result puan ni thlengin tumahin an keng/ pai/ hmang chhuak tur a ni lo tih thupek ka tichhuak a.

He thupek hian Magistrate, Police, Armed Forces leh BRTF mite a huam lovang. He thupek bawhchhia te chu IPC Section 188 hmangin hrem an ni ang.