4748/2024-2025

Dated Hnahthial, the 21st March, 2025: Hnahthial District Bawrhsap Pi K. Vanlalruati chuan vawiin khan Hnahthial District chhung Mat ral khaw pathum - Lungmawi, Bualpui 'V' leh Chhipphir a tlawh a, khawtlang hruaitute leh NGO hruaitute nen inkawmhona hun tha tak an hmang a ni.

Heng khua a tlawhnaah hian Hnahthial District Bawrhsap, Pi K. Vanlalruati chuan Hnahthialah Bawrhsap hna a zawm thar chauh avangin District chhung khaw hrang hrang dinhmun hre tur leh khawtlang hruaitute leh NGO hrang hrang hruaitute nen inhmelhriatna an neih theihna atan a tlawh a nih thu a sawi a. Khawtlang hruaituten khawtlang mamawh leh harsatna an thlen hrang hrangte chu a theih ang anga lo bawhzuipui a tum thu te sawiin Hnahthial-a an rawn kal chang a, Bawrhsap Office an dawrin inthlahrung hauh lova dawr turin a chah bawk a ni.

Heng khaw hrang hrang a tlawhnaah hian Bawrhsap chuan sorkar hmunhma thenkhat tlawhin khawtlangin an mamawh a an hman atan silpolulin a pe a. Bawrhsap chu khawtlang hruaitu, VC te leh NGO hruaituten lo dawng sawngin khawtlang mamawh te Bawrhsap hnenah hian an thlen a ni.