3216/2024-2025

Dated Hnahthial, the 26th November, 2024: Krismas leh Kumthar vuakveta Hnahthial District chhunga Halmawi, Halpuah, Silai lem, Sky lantern leh a dangte khapna thupek Hnahthial Bawrhsap Pi Rita Lalnunmawii Pachuau chuan a hnuai ami ang hian a chhuah.

ORDER

(Under Section 163 of Bhartiya Nagarik Suraksha Sanhita, 2023)

Kum 2024 Krismas leh Kumthar 2025 kan lo thleng hnai leh dawn ta a. Halpuah leh Halmawi te hi mihring hriselna atan a tha lo em em a, boruak bawihhlawh a siam bakah a bengchheng bawk a ni. Silai lem a mu kapchhuak thei pawh hian mihring piansuaina a thlen thei bawk a. Chuvangin Hnahthial District mipui ten Krismas leh Kumthar hlim taka kan hman theih nan thupek chhuah tulin hriat a ni a.

Chuvangin, kei, RITA LALNUNMAWII PACHUAU, District Magistrate, Hnahthial District hian Section 163 of Bhartiya Nagarik Suraksha Sanhita, 2023 in thuneihna min pek angin hetiang hian thupek ka chhuah e:

1) Halpuah, Halmawi leh puak thei chi mihring tana bengchheng siam thei reng reng lakluh, zawrh leh hman khap tlat a ni.

2) Silai lem a mu kapchhuak thei reng reng leh sky lanterns te lakluh, zawrh leh hman khap a ni.

3) Boruak tha lo siam thei leh ri bengchheng siam thei reng reng Hnahthial District chhungah lak luh leh zawrh khap tlat a ni.

He thupek zawm lo chu Section 223 of Bharatiya Nyaya Sanhita, 2023 hmanga hrem an ni ang a. He thupek hian chhuah anih atanga thla 2(hnih) chhung a huam ang.