3217/2024-2025

Dated Hnahthial, the 26th November, 2024: Ni 5 chhung awh tur, training on “Post harvest management of locally produced crops for women involved in Self Help Groups” chu KVK Hnahthial training hall ah neih tan a ni.

Training hi Pi Zonunkimi Ralte, Subject Matter Specialist( Home Sc.) in kaihruaiin Dr.Henry Saplalrinliana, Senior Scientist & Head chuan trainees te lawmna leh fuihna thu sawina hun a hmang a. He training hi North East Council’s (NEC) project a “Providing Key Identified Services At Bunghmun Block of Lunglei District” anih angin Bunghmun Block atangin khaw hrang hrang - Bungtlang W, Changpui, Tleu, Sertlangpui, Sesawm, Buarpui, S Lungdai, Kawlhawk leh Thenhlum SHG  sawmpanga (15 ) training tur hian an lo kal a ni. He hunah hian training materials te sem chhuahna neih nghal a ni.

Training-ah hian anmahni khua theuhva an thlai leh thei thar chhuah te zawrh chhuah atana lo sawngbawl anih theih nan leh an SHG theuh ten nasa zawk a hma an sawn theihna turin powerpoint presentation leh practical demonstration tam thei ang ber neihpui tum an ni dawn a ni. Training tawp lamah hian Mizoram Food Processing Research Training Centre( MPRTC), Seling a awm chu exposure visit an nei dawn a ni.