No.1128/2021-2022
Hnahthial the 25th June 2021 : Hnahthial District chhungah a hnuaia tarlan ang hian Addl DC Pi Saizikpuii chuan Containment Zone a puang.

Date 24.6.2021 (Ningani) khan Electric veng, Hnahthial- ah Covid-19 Positive hmuhchhuah a ni a. Amah hi Covid Care Centre ah dah luh tawh a ni a, mipui vantlang tan chiaina tur a awm lo a ni. Amaherawh chu quarantine lai a nih loh avangin Contact tracing kalpui a tul a, chuvangin “The Mizoram Epidemic Diseases (Covid-19) Regulation, 2020” Clause 11 (1) leh “Disaster Management Act 2005” in thuneihna min pek angin a hnuai a mi ang hian thupek ka chhuah e.

Electric veng, Hnahthial area pumpui chu Containment Zone- ah puan a ni a. Magistrate, Covid-19 kaihhnawih Official Duty, Medical Duty nilo leh phalna bik nei lo tan Electric veng pumpui hi tlawhpawh/luh chhuah phal a ni lo. Tin, veng chhung mi te pawh intlawhpawh phal a ni lo.

He thupek zawm lo leh bawhchhia an awm a, man an nih chuan, “The Mizoram Epidemic Diseases (Covid-19) Regulation, 2020” Section 13 leh IPC Section 188 hmanga hrem theih an ni.

He thupek hian date 25.06.2021 (Zirtawpni) atanga thu leh awm hma chu a huam ang.