3023/2024-2025

Dated Hnahthial, the 15th November, 2024: Vawiin khan Hnahthial District Football Association turf ground-ah Hnahthial Bawrhsap, Pi Rita Lalnunmawii Pachuau kaihhruaiin Ministry of Tibal Affairs hnuaia Tribal ho tih hmasawnna tura scheme duan - Dharti Aaba Janjatiya Gram Utkarsh Abhiyan (DAJGUA) tlangzarhna hun neih a ni. He DAJGUA scheme hi tukin khan Prime Minister, Narendra Modi chuan New Delhi-ah India ram pum huapin a tlangzarh a ni.

Bawrhsap chuan sawrkar laipuiin he scheme a duan chhan chu tribal ho hmasawn nan anih thu sawiin Mizo chu Scheduled Tribe kan nihna angin he scheme hi kan hnam tan a pawimawh lehzual thu a sawi a. He scheme hi Social Welfare & Tribal Affairs kaihhruaina hnuaia kalpui tur anih thu sawiin department mamawh si, scheme dangin a cover loh cover tu tur (gap filling) atanga hman tur anih ber thu a sawi a. Hemi anih avang hian line department hrang hrang - Health& Family Welfare, Education, PWD, PHE, UD&PA leh adangten he scheme hi District hmasawn nana hmang tangkai thiam tura a duh thu a sawi a. He scheme hi Hnahthial District tana chak zawk leh tangkai zawka kalpui tum anih thu sawiin chutianga kalpui anih theih nan kar lo awm turah hian line department theuh te nen thutkhawmna neih tum anih thu a sawi bawk a ni.

PM DAJ-GUA Scheme hi kum 5 chhung (2024-25 atanga 2028-29 thleng) kalpui tur a ruahman niin India rama thingtlang khua 63,843 tuam tur a duan a ni a. Mizoramah khua 383 tuam tel dawnin scheme kalpui nan hian Rs. 79,156 Crore ruahman a ni.

He scheme tlangzarhna hunah hian District Head of Office-te bakah office staff thahnem tak an tel a ni.