3024/2024-2025

Dated: Mamit the 15th of November, 2024 : Tukin dar 7:00 am khan India Prime Minister Nadrendra Modi-an New Delhi-a Sawrkar laipui Scheme thar PM Dharti Aaba Janjatiya Gram Utkarsh Abhiyan a hawn pualin DC Conference Hall, Mamit-ah Pi Carolyn L.B.Khiangte, Addl DC chuan Mamit District chhunga kalpui tur a hawng.

Pi Carolyn L.B Khiangte chuan tribal village-a hmasawnna hna chak leh zuala kalpuina tur leh  sawrkar atanga tanpuina dawn mamawh, la dawng kim lo te tan he scheme hi kalpui a nih dawn thu a sawi a, he scheme thar hian scheme dang kalpui tawh sa te ti changtlung min, ala tuam zawh lohte tuam kimna tur a nih thu a sawi bawk. Mamit District chhungah Blocks pathum Reiek, W. Phaileng leh Zawlnuamah te kalpui tur niin khaw 47 tuam a ni dawn a, scheme hi Kum 5 chhung 2024-2028 kalpui tura ruahman a ni.

He hawnna hun hi Pu Lalnunfela Chawngthu SDO( Sadar) chuan kaihruaiin, scheme sawizauna leh awareness hi 15th - 26th  November chhunga kalpui a nih dawn thu a sawi bawk.