No.912/2021-2022

Hnahthial the 11th June 2021 - District Level Committee on Green Mizoram, Hnahthial District buatsaihin tukin khan Rallang tlang a Helipad-ah Sorkar Pisa hrang hrang, VC, NGO hrang hrang leh MJA ten Green Mizoram Day 2021 hmangin District Bawrhsap Pu H.Dolianbuaia chuan khuallian niin a hmanpui a, Kangmei veng tha thlanchhuah Khua 3 te hnenah lawmman sem nghal a ni bawk.

Hemi puala khawm tawi neih hi Pu F.Lalsangzuala, RO, Environment Forest and Climate Change Department, Hnahthial chuan kaihhruaiin Pu H.Dolianbuaia chuan Thing phun leh enkawl chu mitin mawhphurhna a nih thu sawiin "Sik leh sa mumal awm ta lo leh Tuihna kangchat tam ta lutuk te ti pung leh tur hian tih tur kan nei theuh a, chumi avang chuan Green Mizoram Day pawh hman thin niin a tam thei ang ber Thing phunin enkawl puitling ila, chu chuan ram nuam a siam ngei ang" tiin Thingphun enkawl thatna hmun chu kum rei lo te chhungin hmun nuam tak a nih thin thu a sawi bawk

He hunah hian Kumin 2021 chhunga Hnahthial District-a kangmei veng tha thlanchhuah Khua pathum te puanchhuah niin District Bawrhsap Pu H.Dolianbuaia, Superintendent of Police Pu Lalbiakkila leh Addl.DC Pi Saizikpuii ten lawmman tangka fai leh Certificate an hlan nghal a, chungte chu :-
1st - Pangzawl South
2nd - Hnahthial South-I
3rd - Rotlang E
Pakhatna hian Rs.50,000 leh certificate dawngin Pahnihna hian Rs.30,000 leh certificate a dawng a, patumna hian Rs.20,000 leh certificate a dawng bawk a ni.

Tukina Green Mizoram Day puala Hnahthial-a hun hmanah hian Thing tiak 28 phun a ni a, Thir hmanga hung nghal vek niin enkawl tha lawmman siam a ni dawn tih tarlan a ni bawk. Green Mizoram Day 2021pual hian Hnahthial Forest Range chuan mimal, pawl leh sorkar department hrang hrang hnenah Thing tiak 970 vel a sem chhuak a ni.