2517/2024-2025

Dated Hnahthial, the 15th October, 2024: Vawiin khan Hnahthial DC Conference Hall-ah khuarel chhiatna hrang hrang laka Hnahthial District him tlan theihna tur leh chhiatna thleng a awm palh pawh a chak leh awmze nei zawk a hma lak anih theihna tur te in Hnahthial District huam chhunga Village Level Disaster Management Committee (VLDMC) te tan Training buatsaih a ni.

Training hi Pi Esther Leihang, SDO (Sadar) chuan a kaihruai a. Khuarel chhiatna tak tak a thlen hmain inpuahchahna tha neih a pawimawh thu sawiin inralrin lawk theihna hrang hrangte a tarlang a. EOC (Emergency Operation Centre)-mipui te tlan khawm theihna tur Hall emaw, bazar emaw, school emaw lo identify lawk te, Medical lam basic first aid lo thiam lawk te bakah chhiatna lo thlen palh pawh a ei leh in tur lo ngaihtuah lawk te a tul thu a sawi a. Hmeichhe member neih a tul thu sawiin Quick Response Team (QRT) Training a rang thei ang bera neih leh a tul a ni a ti bawk. Ran pul hri a len reng rengin Animal Husbandry & Vetinary Department (AH&Vety) lam rawn a hrilhhriat hmasak zel tur anih thu sawiin kangmei kaihnawih chungchangah pawh Environment, Forests & Climate Change (EF&CC) Department nen thawhhona tha neih zel a pawimawh thu a sawi a. Hei bakah hian Incident Report Form A – E hmangin DC ah report pek zel tur a nih thu a sawi bawk.

Sadar chuan District Administration lam chuan VC leh YMA te hi disaster chungchang piah lam - Electoral roll revision chungchangah te, rualbanlo te ID chungchangah te, hriatpuina pek chhuah chungchangah te leh adt. ah thawhho pui ah an sawm nawn leh a. VLDMC te hi chhiatna a lo thlen changin DC thuthmun, Hnahthial pan nghal a harsat chang a awm  thin a ni tih an hriatpui avangin emergency a hman turin, Disaster Management & Rehabilitation (DM&R) department lam atangin silpauline leh first aid box te kawltir an ni a ti.

Village Level Disaster Management Committee (VLDMC) hi District Administration, VC leh YMA te thawhhona tura duan niin member atan pawh thlan that ngai lovin VC leh YMA te ruat nghal an ni.

VLDMC-a nihna chanvo chelhtute chu a hnuaia tarlan ang hi an ni:

Chairman: VCP 

Vice-Chairman: YMA President

Secretary: YMA Secretary 

Asst. Secy: VC Secretary 

Treasurer: VC Treasurer

Members: 

All VC members

All YMA OBs

NGO hruaitute

Kohhran hruaitute

Party aiawh

Prominent Citizens – 3 (pathum)

Training-na hun hi Pu R. Vanlalruata, SDC chuan lawmthu sawiina in a khar a ni.