2516/2024-2025

Aizawl Dated the 15th October, 2024: Sports & Youth Services Department chuan ni hnih (2) awh tur Seminar on Sports Medicine and First Aid (Oct ni 15-16, 2024) leh Seminar on Sports Psychology and Method of Training (Oct ni 17-18, 2024) a buatsaih. A hawnna hun hi vawiin khan ah Sports Conference Hall ah neih a ni. Department Coach te bakah Khelo India State Centre of Excellence (KISCE), district Khelo India Centre(KIC) Coach te leh Scouts & Guides, Adventure Wing Staff te an tel a. Mi 55 chuang an training. 

Pu Lalramsanga Sailo, Secretary, Sports & Youth Services Department chuan training hawnna inkhawm a hmanpui a. Training hmanga intuaithar pawimawh zia sawiin, Sports Department coach te chu Mizoram thalaite hmasawnna, eizawnna, ruihhlo laka fihlimna leh nungchang siamthatna kawnga an mawhphurhna a sang hle tih a sawi.

He training ah hian infiammi te performance tih that dan tur te, hriselna, himna, ei in chungchang leh hmasawnna tur hrang hrang te zir ho a ni dawn a ni. Resource persons atan Dr. C. Zonunsanga, SRH-ZMC, Falkawn; Pi VL Muanpuii, MHSSP, NHM leh Dr. C. Lalfakzuali, Mizoram University te sawm an ni a. Pu H Zothansanga, Superintendent, SYS chuan a hawnna inkhawm hi kaihhruaiin, Pu Lalngilneia Colney, Youth Welfare Officer, SYS in thu tawi a sawi bawk.

Department hnuaia Coach te hian Mizo thalai te engemawzat training an pe tawh a, International leh National level infiammi langsar tak tak te an lo chherchhuak tawh a. Sports Department hian an Minister hmalakna hnuaiah Vision Olympics 2036 nei mekin Talent Identification, Village Level Coaching leh infiammite dawmkanna tur chi hrang hrang Public Private-Partnership hmangin a ngaihtuah mek a ni. Tunhnai ah khan Incentive Cash Award for Meritorious Sportspersons semna neiin mi 416 in lawmpuina an la a ni.