2515/2024-2025

Dated Kolasib the 14th October 2024: Loneitute leh ranvultute hmasawnna huang Central Sawrkar-in a buatsaih New Multipurpose Primary Agricultural Credit Societies (M-PACS) chu Kolasib District chhunga chakzawka kalpui a nih theih nan vawiin khan Joint Working Committee Kolasib DC Conference Hall-ah neih a ni.

He hunah hian Pi B. Malsawmtluangi, Kolasib Addl. DC. chuan hun kaihruaiin, New-MPACS sawizauna hun a hmanga. MPACS chu loneitute leh kuthnathawktute'n kutkhat vuana, an eizawnna kawnga Society a ding thei tur Sawrkarin  hma a lakna a nih thu a tarlang.

Pu JD Traite, District Development Manager, NABARB leh Conveneer, MPACS Kolasib District ni bawk chuan Kolasib District chhung MPACS hnuaia Society awmte leh an hmalaknate tarlanna hun a hmanga. New-MPACS hnuaia kum 2025 atanga 2029 chhunga hmalakna tur awmte  phochhuahna hun  Joint Working Committee-ah hian a neih a ni a, Kolasib District chhunga Multipurpose Primary Agricultural Credit Societies (M-PACS) awm tawh sate thawhthat dan tur leh chak zawka kalpui dan tur sawihona neih a ni bawk.

Tun dinhmunah Mizoram pumah Primary Agricultural Credit Societies (M-PACS) 94 awmin New Multipurpose Primary Agricultural Credit Societies ( New M-PACS) hnuaiah kum 2025 atang 2029 chhungin Society 753 din belh tura ruahmanna kalpui mek a ni a.  Fishery Development Board hnuaiah Mizoramah kum 2025 atanga kum 2029 chhungin Fishery Society 100 leh National Dairy Development Board hnuaiah Dairy Society 72 din turin ruahmanna siam a ni a. Kolasib District ah chuan New Multipurpose Primary Agricultural Credit Societies (New M-PACS)  hi  khaw 39 ah din turin hmalakna a awm mek bawk.

Vawiin a Kolasiba Joint Working Committee on Formation and Strengthening of New Multipurpose Primary Agricultural Credit Societies (M-PACS) thutkhawmna ah hian Distrcit Agriculture Officer, District Horticulture, District Fisheries Officer, Distict Veterinary Officer, Mizoram Co-Operative Apex Bank Branch Manager, District Co-Operative Officer leh District Information & Public Relations Officer-te an tel bawk a ni.