211/2025-2026

Dated Hnahthial, the 17th April, 2025: Poshan Pakhwada, 2025 hmanna kal zelah vawiin khan Women & Child Development Department Hnahthial ICDS Project buatsaihin Anganwadi Center No III-ah 'Fruits and Vegetables Day' hman a ni a, he hunah hian ICDS thawktute, Anganwadi Worker leh Helper-te, Self Help Group hruaitute bakah nu leh naupang te an tel a ni. Programme hman zawh hnu hian Fruits and Vegetables Day pualin kawng zawhna neih nghal a ni.

He hun hi Pi F. Lalnuntluangi, CDPO chuan a kaihruai a. Thu sawiin, keini ICDS thawktute hi mihring enkawltu kan nih avangin kan fimkhur a tul hle a, nu naupai leh naupangte hriselna atan hian thei leh thlai tharlam ei hi a tha ber a, kan fate khawlaia eitur kan hmuh theih ang te eitir lovin, kan huan thlai tharlam te hi eitir tam ila, chu chu an taksa tan a tha zawk a a ti a. Tui in tam thatna te sawiin heng a thil sawite hi midangte zirtir chhawng thin tura chahin, nu naupai atanga naute kum hnih an tlin thleng enkawl dan leh naute te tana ni sangkhat chhung inenkawl that pawimawhna a sawifiah bawk a ni. 

He hunah hian Pu R. Vanlalliana, Block Coordinator chuan nu naupai leh naupang te tana ni sang khat (1000 days) pawimawhna a zirtir a. Pu Lalramnghaka, Specialist, District Hub for Empowerment of Women pawhin hmeichhe chawikanna leh humhalhna chungchang a sawifiah bawk a ni.