210/2025-2026

Dated Kolasib the 17th April, 2025: Vawiin khan KVK Kolasib chuan Poshan Pakwada programme Vengthar Anganwadi center ah an hmang a. He hunah hian KVK Kolasiba mithiam te chuan nu leh naute leh naupangte tana chaw tha pawimawhna chungchang  zirtirna an pe a ni.

He programme hi Senior Scientist and Head KVK Kolasib, Dr. Michelle C. Lallawmkimi chuan kaihruaiin, “Kan khawtlang siamthat nana bul tanna kailawn hmasa ber chu Anganwadi centre hi a ni”, a ti. Vawiin hunah hian naupang tana chaw tha pawimawhna zirtirna pek bakah hian Swachhta campaign nei nghalin, Programme Assistant Home Science Pi Lalrinpuii Sailo leh Subject Matter Specialist (Agricultural Engineer) Pi R. Lalchhandami ten  “faina pawimawhzia kan chhungkuaah leh khawtlang ah" tih hmangin zirtirna an pe bawk a ni.

Vawiina Poshan Pakwada Programme-ah hian mi 110 bawr vel an kalkhawm a. Vengthar Kolasib Anganwadi Center a zirtirtu Pi Lallianmawii chuan lawmthu sawina hun a hman zawhin vawiin hun hi tihtawp a ni.